ترکیه ده ترور تشکیلاتی پی کا کا نینگ هجوم لری نینگ جون آیی دن باشلب آرتیب کیتگن لیگی کورینماقده. اسکندرون, شمدینلی و استانبول ده اویشتریلگن هجوم لر عاقبتیده ۲۰ دن آرتیغراق ترک حربی سی شهید بولرایکن, بوندن هم کوپراق حربی ایسه یاره لندی. اینیقسه اوشبو اوچ هجوم ترکیه ده تروریزم معما سی نینگ ینه بیر بار کون ترتیبی گه کیلیب قالیشی گه سبب بولر ایکن, حربی لرنینگ شهید بولگن لیک لری انسان لرنی جوده هم خفه قلیب قویدی.

اوشبو هجوم لر گه قرشی ترکیه و خلق ارا اکتور لر قتتیق عکس العمل کورستدی. شوندای قلیب بولیب اوتگن نمایش لر آرقه لی ترور تشکیلاتی پی کا کا لعنت لندی. شهید لر اوچون وان ده بولیب اوتگن مراسم گه ترکیه جمهوریتی باش وزیری رجب طیب اردوغان, وزیرلر و براکرات لر دن تشقری, اوروپا بیرلیگی اولکه لری نینگ ۱۷ ایلچیسی هم اشتراک ایتدی. امریکا قوشمه ایالت لری نینگ انقره ایلچیسی جیفری, ترکیه بیلن امریکا آره سیده گی استخباراتی همکارلیک لرنینگ دوام ایتیتگن لیگی نی ایسله تیب اوتدی. خودی منه شو ینگی لیک لر, ترکیه نینگ تروریزم معماسی نی قندای قلیب ییچه دیگن لیگی موضوعی نینگ ینه بیر بار کون ترتیبی گه کیلیب قالیشی گه سبب بولیب کیتدی. موضوع بیلن علاقه لی بحث و مناظره لرنینگ اوچ جهت دن مطالعه ایتیلیشی ممکن.

بیرینچی دن باش قاتریلیشی کیره ک بولگن موضوع, اوزاق بیر مدت کیین نیمه اوچون ترور تشکیلاتی پی کاکا نینگ تروریستیک هجوم لری نی بو طریقه آرتریب یوبارگن لیگی دن عبارت. ترور تشکیلاتی پی کاکا نینگ حاضرگی کونده هم ترکیه سیاستی گه تاثیر قالدره آلیش کوچی گه ایگه ایکن لیگی نی کورستیش اوچون اوشبو فعالیت لرنی عمل گه آشیریتگن لیگی نی اویلیمیز.

ترکیه ده گی کوپلب ریفورم لر و ینگی لیک لر, ترکیه ده گی کرت لرنینگ فرهنگی و اجتماعی حیاتی گه ایجابی تاثیر قالدررایکن, پی کا کا بیلن بولگن علاقه لری نی کمیتریب باشله دی. قیسقه قلیب ایتگنده, دموکراتیک له شیش نامیده گی اوشبو ینگی لیک لر, جنوبشرقی اناتولیه منطقه سی ده گی انسان لرنینگ قیین چیلیک لرنینگ ییچیلیشی نینگ ممکن ایکن لیگی گه تیگیشلی ایشانچ لرنی آرتریب یوبارگن وضعیت ده. شوندای قلیب, منطقه مقیاسی ده گی معما لرنینگ تینچ لیک سیور, دیالوگ و همکارلیک سنگری دموکراتیک میتود لر بیلن ییچیله آلیشی نینگ ممکن ایکن لیگی بیلن علاقه لی امید لر آرتیب کیتدی. بیر دولت پروژه سی اوله راق باشله تیلگن "دموکراتیک اصلاحات لر" پروسه سی دن حاضرگی کون گه قدر آرزو ایتیلگن نتیجه نینگ قول گه کریتیلمه گن لیگی گه قره مسدن, معما نینگ ییچیلیشی بیلن علاقه لی بیر پروسه نینگ باشلب کیتگن لیگی کوزگه تشلنماقده.

اوشبو پروسه نینگ کمچیلیک لری نینگ برطرف ایتیلیب, کیله جک ده هم دوام ایتیشی ممکن. ترکیه ده تقریباً برچه تمان لرنینگ, تروریزم معما سی نینگ ییچیلیشی اوچون, اقتصادی, اجتماعی, سیاسی و حقوقی ایریم فعالیت لر نینگ ضروری ایکن لیگی نی بلدررایکن, خودی منه شو جهت ده قدم تشله نیشی کیره ک ایکن لیگی نی بلدرماقده. اوشبو موضوع گه مخالفت ایتیتگن بیر ته گینه تمان ایسه ترور تشکیلاتی پی کا کا و جنجال گه طرفدار انسان لر دن عبارت. شوندای قلیب, منطقه ده گی قیین چیلیک لرنینگ, تینچ لیک سیور یول لر بیلن ییچیلیشی, قورال و اوروش گه تینگن ترور تشکیلاتی پی کا کا نینگ یوق بولیب کیتیشی گه سبب بوله دی. شوباعث, ترور تشکیلاتی و طرفدار لری اوز موجودیت لری نی دوام ایتتره آلیشی اوچون تروریستیک هجوم لری نی آرتریب یوبارگن وضعیت ده.

شوندای قلیب ترکیه نینگ, بیر تماندن خوف سیزلیک کوچ لری دن فایده له نیب تروریست لرگه قرشی کوره ش آلیب باریشی و باشقه بیر تماندن ایسه, دموکراتیک له شیش پروسه سی نی دوام ایتتریشی کیره ک. اوشبو پروسه گه مخالفت ایتیتگن کیشی لر گه قرشی کوره ش آلیب باریلیشی اوچون, دموکراتیک له شیش پروسه سی گه قوشیله دیگن تمان لر بیلن همکارلیک ایتیلیشی ضروری.

اوشبو کوره ش نینگ اینگ مهم ساحه لری دن بیری ایسه عراق و شمالی ده گی منطقه دن عبارت. سونگگی بیر الی ایککی ییل مابینیده ترکیه بیلن عراق و اوشبو اولکه نینگ شمالی آره سیده امریکا تمانیدن هم حمایه له نیتگن بیر همکارلیک پروسه سی دوام ایتماقده. خودی منه شو همکارلیک نینگ, اقتصادی, تجارتی, اجتماعی, انرژی و امنیتی تمان لری موجود. ترکیه بیلن عراق نینگ شمالی ده گی بارزانی- طلبانی رهبریتی آره سیده اوشبو ساحه لرده گی همکارلیک لرنینگ آرتیب کیتگن لیگی کورینماقده. حتی قیسقه بیر مدت آلدین بارزانی نینگ, انقره و استانبول گه اوچ کون لیک سفر اویشترگن لیگی هم کوزگه تشلنماقده. اوشبو سفر جریانی ده ترکیه پی کا کا گه قرشی مشترک کوره ش نینگ دوام ایتیشی کیره ک ایکن لیگی نی بلدررایکن, بارزانی نینگ هم اوشبو فکر گه قوشیلگن لیگی بلدریلگن ایدی.

پی کاکا نینگ هجوم لری نینگ, خودی منه شو همکارلیک پروسه سی گه ضرر بیریش غایه سی گه ایگه ایکن لیگی نی قید ایتیب اوتیش نینگ ناتوغری بیر فکر دن عبارت ایمس لیگی نی معلوم قلیشی میز ممکن. عراق نینگ شمالی و اینیقسه قندیل تاغی گه جای له شیب آلگن ترور تشکیلاتی پی کا کا نینگ, ترکیه بیلن عراق آره سیده گی همکارلیک لرنینگ آرتیشی گه طرفدار ایمس لیگی نینگ خودی منه شو دلیل لر بیلن معلوم قلینیشی ممکن.

ترور تشکیلاتی پی کا کا نینگ, اصلی گه قره گنده ایکله اولکه نینگ هم اراده سی دن تشقری بیر معما گه ایله نیب قالگن لیگی کورینماقده. خودی منه شو معما گه قرشی استفاده ایتیلیشی کیره ک بولگن اینگ موثر میتود, ترکیه, عراق و امریکا قوشمه ایالت لری آره سیده گی اوچ تمانلمه خوف سیزلیک میکانیزمی نینگ جوده یخشی بیر شکل ده فعالیت آلیب باریشی دن عبارت. اوشبو میکانیزم نینگ موثر فعالیتی بیلن علاقه لی امریکا قوشمه ایالت لری و باشقه خلق ارا اکتور لرنینگ همکارلیگی نینگ ضروری ایکن لیگی کوز گه تشلنماقده. شوندای قلیب ترور تشکیلاتی پی کاکا نینگ خلق ارا تمانی نینگ موجود ایکن لیگی نی ایسدن چیقارمس لیک کیره ک.

تروریزم نینگ خلق ارا بعدی گه قره گنده, منطقه دولت لری بیلن منطقه دن تشقری کتته دولت لردن عبارت ایککی مخاطب نینگ بحث موضوعی بوله دیگن لیگی کوزگه تشلنماقده. سونگگی هجوم لر آرتیدن, ترکیه جمهوریتی باش وزیری رجب طیب اردوغان نینگ, ترور تشکیلاتی پی کا کا نینگ ایریم تمان لر طرفیدن استفاده ایتیلیتگن لیگی نی معلوم قلیشی دن سونگ, کیم لرنینگ اوشبو ترور تشکیلاتی دن فایده له نیتگن لیگی توغری سیده بعضی سئوال لر پیدا بولیب کیتدی. باش وزیر اردوغان نینگ موضوع بیلن علاقه لی هیچ بیر تمان نینگ آتی نی بیرمه گن لیگی گه قره مسدن, خلق ارا اکتور لر موضوع گه تیگیشلی دقت لرنی اوزی گه تارتماقده.

بلکه اردوغان نینگ اوشبو ادعاسی سببلی, ترکیه نینگ خلق ارا جامعه نینگ کتته حمایه سی نی کسب ایتگن لیگی نی کوردیک. ایران و سوریه سنگری اولکه لردن تشقری, اوروپا بیرلیگی اورگان لری و دولت لری هم, پی کاکا گه قرشی قتتیق عکس العمل کورستدی. اوشبو عکس العمل لر سمبولیک اوله راق کتته اهمیت گه ایگه. شوندای قلیب رسمی اعلامیه لر آرقه لی ترکیه نی حمایه لیتگن لیک لری نی بلدردی لر. اوشبو موضوع بیلن علاقه لی اینگ مهم ینگی لیک ایسه, امریکا نینگ, استخباراتی معلومات جهتی دن ترکیه بیلن بولگن همکارلیگی نینگ دوام ایتیتگن لیگی نی بلدرگن لیگی دن عبارت.

پی کا کا تروریست لری نینگ امریکا قوشمه ایالت لری تمانیدن اشغال ایتیلگن عراق گه جای له شیب آلگن لیگی سببلی برچه دولت لر آره سیدن امریکا نینگ اینگ کتته اهمیت گه ایگه ایکن لیگی نی معلوم قلیشی میز کیره ک. شوندای قلیب اوشبو موضوع بوییچه عراق لیق لر قدر, امریکا و متفق لری نینگ هم مسئول ایکن لیک لری کورینماقده. امریکا نینگ, آرزو ایتیشی تقدیرده هم, هیچ بولمه سه قیسقه بیر مدت مابینیده پی کا کا نی یوق ایتیش کوچی گه ایگه ایمس لیگی ممکن. اوشبو ضعف امریکا نینگ انقره ایلچیسی جیفری تمانیدن هم اعتراف ایتیلگن ایدی.

براق, امریکا قوشمه ایالت لری نینگ, بارزانی و باشقه عراق لیق اکتور لر گه قرشی باسیم قلیب, پی کا کا و حمایه چی لری نینگ عراق دن چیت له نیشی گه حصه قوشیشی ممکن. اوشبو باسیم لرنینگ ترکیه نینگ هم حمایه سی و همکارلیگی بیلن ایجابی نتیجه لر گه سبب بولیشی نینگ ممکن ایکن لیگی کوزگه تشلنماقده.