اورته شرق ده اوته مهم ینگی لیک لر یوز بیرماقده. عراق ده حکومت نینگ قوریله آلمیتگن لیگی اوشبو اولکه ده گی برقرار سیزلیک معما سی نی آرتریب یوباررایکن, فلسطین مسئله سی بوییچه عرب بیرلیگی ینگی بیر قدم تشله دی. عینی دمده دنیا ده گی قیین چیلیک لر باره سیده بحث ایتیلگن کانادا ده گی جی ۲۰ رهبر لر ییغیلیشی جریانی ده بولیب اوتگن ترکیه جمهوریتی باش وزیری رجب طیب اردوغان نینگ اوچره شو لری ده باش قاتریلگن موضوع لرنینگ بیر قسمی نی اورته شرق مسئله سی تشکیل ایتدی. شوباعث بوگون خودی منه شو موضوع باره سیده ایته میز عزیز دوست لر.

عراق ده گی سیاسی نا انیق لیق لر دوام ایتماقده. اوشبو ناانیق لیق نینگ اینگ مهم مثالی پارلمان ده بولیب اوتگن ییغیلیش جریانی ده عکس ایتدی. سیلاو نتیجه لری نینگ رسمی روشده اعلان ایتیلیشی آرتیدن, قانونی مدت مابینیده پارلمان نینگ ییغیلیش اوتکزگن لیگی گه قره مسدن, اساسی قانون گه موافق ایلک کونده باشلیق نینگ سیله نیشی کیره ک ایکن, اوشبو موضوع بیلن علاقه لی موفقیت قول گه کریتیله آلمه گن لیگی کوریندی. براق اوشبو موضوع نینگ قانونی نتیجه لری نینگ, اولکه ده ینگی بیر سیلاو بولیب اوتیشی گه سبب بوله دیگن لیگی اوچون, ییغیلیش رسمی روشده اداغگه ییتیشتریلمه دی. سیاسی بیر قرار آلینه آلمیتگن و حکومت نینگ قوریلیشی مسئولیتی نینگ کیم لر گه تاپشیریلگن لیگی نینگ هم انیق بولمه گن خودی منه شوندای بیر حالت ده اوشبو وضعیت نینگ طبعی بیر موضوع دن عبارت ایکن لیگی کورینماقده. سیلاو لر نتیجه سیده العراقیه نینگ غلبه قازانگن لیگی گه قره مسدن, اساسی قانون محکمه سی تمانیدن بیریلگن بیر بیانات آرتیدن, حکومت نینگ تشکیل ایتیله دیگن بیر ائتلاف تمانیدن قوریله دیگن لیگی بلدریلگن ایدی. عراق ده گی شیعه لردن تشکیل تاپگن اوشبو ائتلاف نینگ قوریلگن لیگی گه قره مسدن, خودی منه شو ائتلاف نینگ رسمی روشده تن آلنیشی پروسه سی بوییچه کتته قیین چیلیک لر پیدا بولیب کیتدی. تشکیل ایتیلگن ائتلاف تن آلنیشی اوچون اساسی قانون محکمه سی گه مراجعه ایتیشی آرتیدن, اوشبو محکمه موضوع بیلن علاقه لی صلاحیت نینگ یوکسک سیلاو کمیسیونی گه باغلیق ایکن لیگی نی بلدردی. سیلاو کمیسیونی ایسه, صلاحیت لری نینگ سیلاو دن آلدینگی تاریخ لر گه عاید ایکن لیگی نی معلوم قلدی. شوندای قلیب هیچ بیر تمان نینگ سیاسی مسئولیت نی اوز بوینی گه آلمیتگن لیگی کورینماقده. براق اوشبو ناانیق لیق لر دوام ایتگن سری, عراق ده گی جنجال لر هم آرتیب بارماقده.

اورته شرق ده گی باشقه معمالی بیر منطقه ایسه فلسطین دن عبارت. اینیقسه سونگگی پیت لرده غزه ده یوز بیرگن ینگی لیک لر, فلسطین مسئله سی نینگ ینه بیر دنیا کون ترتیبی ده اورین آلیشی گه سبب بولیب کیتدی. اوشبو پروسه ده ایریم بیانات لر دن تشقری باشقه بیر قدم تشله مه گن عرب بیرلیگی نینگ موضوع گه تیگیشلی بعضی آدم لر تشله گن لیگی کورینماقده. اوشبو دایره ده عرب بیرلیگی عمومی منشی سی امر موسی اوتگن هفته ده غزه نواری گه سفر قلدی. شوندای قلیب امر موسی نینگ, میلادی ۲۰۰۷ نچی ییلی ده حماس نینگ منطقه نی باشقریب باشله شی آرتیدن منطقه گه سفر قلگن ایلک رهبر عنوانی نی کسب ایتگن لیگی بلدریلدی. غزه ده منطقه ده گی سیاسی حزب لرنینگ نماینده لری تمانیدن کوتیب آلینگن موسی, حماس حکومتی نینگ باش وزیری اسماعیل هنیه بیلن باش وزیرلیک ده ایمس بلکه, هنیه نینگ الشاطی ده گی اویی ده اوچره شدی. موسی نینگ, هنیه بیلن رسمی مهمانخانه سی ده ایمس, بلکه اویی ده اوچره شگن لیگی عرب مطبوعاتی ده بیر سمبول اوله راق قبول ایتیلدی. شوندای قلیب عرب مطبوعاتی موسی نینگ اوشبو حرکتی بیلن حماس نی حکومت اوله راق تن آلمه گن لیگی و هنیه نی هم باش وزیر ایمس, بلکه حماس نینگ نماینده سی صفتیده قبول ایتگن لیگی نی عکس ایتترگن لیگی نی معلوم قلدی. اوشبو اوچره شو آرتیدن موسی نینگ غزه گه قره تیلگن محاصره نینگ اداغگه ییتیشتریلیشی اوچون جدی و حقیقی قدم لرنینگ تشله نیشی کیره ک ایکن لیگی نی بلدرگن لیگی اینگ مهم ینگی لیک نی تشکیل ایتدی. ایککینچی مهم ینگی لیک ایسه, عرب بیرلیگی نینگ فلسطین لیک لر آره سیده بیرلیک نینگ تامین ایتیلمس لیگی تقدیرده, غزه نینگ قیته قوریلیشی فعالیت لری بوییچه مادی جهت دن همکارلیک ایتمیدیگن لیک لری نی معلوم قلیب, ینه بیر بار حماس گه قرشی اوز عکس العملی نی کورستگن لیگی دن عبارت.

تورونتو ده گی جی ۲۰ رهبر لر ییغیلیشی گه قتنشگن ترکیه جمهوریتی باش وزیری رجب طیب اردوغان بیلن امریکا قوشمه ایالت لری دولت رهبری بره ک اوبه مه آره سیده بولیب اوتگن اوچره شو ایسه ترکیه نینگ تشقی سیاستی جهتی دن کتته اهمیت ایگه ایدی. اوشبو اوچره شو جریانی ده, ایران نینگ هستوی برنامه لری, اسرائیل نینگ یاردم کیمه لری گه قره تیلگن هجومی و سونگگی پیت لر ده آرتیب کیتگن ترکیه ده گی تروریزم معما سی سنگری کوپلب موضوع لر باره سیده بحث ایتیلدی. اوشبو اوچ موضوع آره سیدن امریکا اینیقسه ترکیه بیلن اسرائیل آره سیده گی علاقه لرنینگ یخشی بولیشی توغری سیده بحث ایترایکن, ترکیه نینگ اسرائیل بیلن علاقه لی سیاستی ایسه انیق ایدی. شوندای قلیب ترکیه, اوشبو هجوم نینگ خلق ارا مقیاس ده تیکشیریلیشی گه اجازت بیریلیشی, اسرائیل نینگ کیچیریم سوره شی, تضمینات توله شی و غزه گه قره تیلگن محاصره نینگ اداغگه ییتیشتریلیشی نی طلب ایتماقده. تروریزم گه قرشی کوره ش موضوعی بوییچه ایسه, عراق- ترکیه و امریکا قوشمه ایالت لری آره سیده گی همکارلیک میکانیزمی نینگ یخشی بیر شکل ده فعالیت آلیب باریشی توغری سیده بحث ایتیلدی. ایران گه قرشی تحریم لر بیلن علاقه لی ایسه, ایکله اولکه نینگ فرقلی فکر لر گه ایکن لیک لری انیق. براق اوشبو موضوع لر گه تیگیشلی ایککی تمانلمه یخشی نیت بلدریلگن لیگی گه قره مسدن, یقین بیر کیله جک ده مسئله توغری سیده موفقیت قول گه کریتیلیشی باره سیده یخشی بیر تصویر کورینمه دی. اردوغان بیلن اوبه مه آره سیده بولیب اوتگن اوچره شو لرنینگ قیسقه بیر مابینیده انیق نتیجه لرگه سبب بولیشی نینگ ممکن ایمس لیگی گه قره مسدن, ایکله اولکه نینگ اینیقسه اورته شرق مسئله لری بوییچه همکارلیک لری نینگ دوام ایته دیگن لیگی نینگ بلدریلیشی جهتی دن کتته اهمیت گه ایگه ایدی.