شمالی قبرس ترک جمهوریتی جمهوررئیسی درویش اراوغلی, توناون آقشام قبرس روم قسمی رهبری دیمتریس هریستوفیاس نی اوز اویی گه دعوت ایتدی.

اراوغلی بیلن هریستوفیاس اوشبو دعوت ده گی دوست لیک نی مذاکره لر بوییچه هم دوام ایتتریش نی هدف قلیب آلماقده.

توناون ایرته لب آره منطقه ده اوز ارا اوچره شیب, ملکیت خصوصیده بحث ایتگن ایکله رهبرلر آقشام ایسه, مذکور طعاملی دعوت ده صحبت ایتدی لر.

جمهوررئیسی اراوغلی نینگ لیفکوشه ده گی اویی ده اوزی و عیالی نینگ میزبان لیگی بیلن ترتیب لنگن اوشبو دعوت گه, هریستوفیاس بیلن عیالی دن تشقری, رهبرلرنینگ خاص نماینده لری قدرت اوز ارسای و یورگوس یاکوو بیلن بیرلشگن ملت لر تشکیلاتی عمومی منشی سی نینگ قبرس موضوعی بوییچه خاص نماینده سی الکساندر داونر هم عیال لری بیلن بیرگه اشتراک ایتدی لر.

اوشبو دعوت آرتیدن اراوغلی, هریستوفیاس تمانیدن اویی گه دعوت ایتیلگن لیگی نی بلدررایکن, مذکور دعوت نی قبول ایتگن لیگی نی ایسله تیب اوتدی.

اراوغلی, هریستوفیاس نی اوزاق مدت دن بیری تانیگن لیگی نی بلدررایکن, براق ایندی دوست بولگن لیک لری نی معلوم قلدی.

اراوغلی نینگ مهمان دوست لیگی اوچون خرسند بولگن لیگی نی بلدرگن هریستوفیاس ایسه, اوشبو دعوت بیلن علاقه لی خرسند چیلیک بلدردی.

الکساندر داونر ایسه, اوشبو دعوت نینگ مذاکره پروسه سی گه ایجابی عکس ایته دیگن لیگی نی بلدررایکن, خودی منه شونگه اوخشش اجتماعی شرایط ده بولیب اوته دیگن اوچره شو لرنینگ, ایکله جمعیت آره سیده گی ایشانچ نی آرتره دیگن لیگی نی ایسله تیب اوتدی.