آلدینگی هفته لرده تیز- تیز کون ترتیبی گه کیلگن اسرائیل نینگ غزه گه یاردم آلیب باریتگن کیمه لرگه قره تیلگن هجومی نینگ بو هفته ده ینگی بیر بعد گه ایگه بولیب قالگن لیگی کورینماقده. شوندای قلیب اوشبو موضوع نینگ تیکشیریلیشی بیلن علاقه لی بیرلشگن ملت لر تشکیلاتی تمانیدن بیر کمیسیون نینگ تعین ایتیلیشی آرتیدن, مسئله گه تیگیشلی بحث و مناظره لرنینگ ینه ده آرتیب کیتیشی ممکن. شوباعث بوگون اسرائیل نینگ, بیرلشگن ملت لر تشکیلاتی نینگ, تیکشیرو کمیسیونی بیلن علاقه لی سیاست لری توغری سیده بحث ایته میز عزیز دوست لر.

می آیی ده ماوی مرمره یاردم کیمه سی گه قره ته اویشتریلگن هجوم نینگ تیکشیریلیشی بیلن علاقه لی ینگی لیک لر دوام ایتماقده. ترکیه جمهوریتی اوشبو موضوع نینگ, خلق ارا مقیاس ده گی بیر کمیسیون تمانیدن تیکشیریلیب, مسئله گه تیگیشلی بیر راپور نینگ یازیلیشی نی طلب ایتگن ایدی. اسرائیل ایسه, بوندای بیر کمیسیون نینگ قوریلیشی گه قتتیق بیر شکل ده اوز مخالفتی نی بلدرماقده ایدی. بیرلشگن ملت لر تشکیلاتی انسان حق لری کمیسیونی, اسرائیل نینگ غزه گه یاردم آلیب باریتگن کیمه لرگه قره تیلگن هجومی دن بیر هفته کیین, اوشبو موضوع نینگ تیکشیریلیشی گه قرار بیرگن ایدی. براق کمیسیون نینگ قوریله آلمیتگن لیگی کورینماقده ایدی. شوندای قلیب, میلادی ۲۰۱۰ نچی ییلی جولای آیی نینگ ۲۳ نچی کونیده اوشبو تیکشیرولر نی عمل گه آشیره دیگن کمیسیون نینگ اعضالری معلوم قلیندی. بیرلشگن ملت لر تشکیلاتی دایره سیده افریقا اولکه لری دن بیری بولگن سیرا لیون ده گی اوروش مجرم لری نی تیکشیریب چیقگن سابق باش قاره لاوچی انگلستان لیک Sir Desmond de Silva, خلق ارا جزا محکمه سی قاضی لری دن بیری ترینیداد لیک Karl Hudson-Philips و مالیزیا لیک عیال لرحقوقی نینگ مدافعه چی لری دن بیری بولگن Mary Shanth Dairiam اوشبو کمیسیون نینگ اعضالری نی تشکیل ایتماقده. خودی منه شو کمیسیون نینگ, موضوع نی, طرف سیز بیر شکل ده تیکشیریب, کوتیلگن راپور نی تیارلیدیگن دیک کورینماقده. براق, بیرلشگن ملت لر تشکیلاتی نینگ قراری نینگ اعلان ایتیلیشی آرتیدن, اسرائیل اوشبو کمیسیون بیلن همکارلیک ایتمیدیگن لیگی نی معلوم قلدی. اوشبو قرار اسرائیل تمانیدن "معنی سیز" اوله راق بهالنتریلرایکن, غزه ده گی حماس رهبریتی بیلن الفتح ایسه خودی منه شو قرارنی خرسند چیلیک بیلن کوتیب آلدی. اسرائیل, مذکور کمیسیون نینگ عجله بیر شکل ده قوریلگن لیگی و بحث موضوعی کمیسیون نینگ اسرائیل گه قرشی حرکت لرنینگ بیر بولگی دن عبارت ایکن لیگی سببلی, کمیسیون بیلن همکارلیک ایتمس لیک گه قرار قلگن لیگی نی معلوم قلدی. ایریم اسرائیل لیک مسئول لر ایسه, اسرائیل تمانیدن قوریلگن تورکل نامیده بیر کمیسیون نینگ اوز فعالیت لری نی دوام ایتتریتگن خودی منه شو کون لرنینگ اوزی ده, بیرلشگن ملت لر تشکیلاتی نینگ موضوع نی تیکشیریشی نینگ ضروری ایمس لیگی نی بلدرماقده. اسرائیل نینگ برچه اعتراض لری گه قره مسدن, کمیسیون آگست آیی ده اوز فعالیت لری نی باشله تیب یوباره دی. اوشبو دایره ده, کمیسیون نینگ, اسرائیل, ترکیه و غزه ده موضوع بیلن علاقه لی شاهد لر گه قولاق سالیشی کوتیلماقده. براق اسرائیل اوشبو موضوع بوییچه همکارلیک ایتمیدیگن دیک کورینماقده. بونگه قره مسدن اوشبو کمیسیون نینگ قوریلگن لیگی نینگ اوزی, خلق ارا جامعه نینگ اسرائیل نینگ حقوق گه ضد حرکت لری گه قیغو سیز بولیب قالمه گن لیگی نی کورستماقده.