ماوی مرمره کیمه سی گه قره تیلگن هجوم و غزه ده گی قیین چیلیک لر سببلی پیدا بولگن اسرائیل بیلن ترکیه آره سیده گی بحران دوام ایتماقده. عینی دمده سوریه, مصر و ایران نینگ بحث موضوعی بولیتگن اورته شرق ده گی معما لرنینگ هم کونساین آرتیب باریتگن وضعیت ده دوام ایتیب کیلیتگن لیگی کورینماقده. بیز بوگون اوشبو موضوع لر ایمس, بلکه بیر نیچه ییل دن بیری ترکیه اوچون کتته قیین چیلیک لر یره تیب کیلیتگن تروریزم معما سی باره سیده ایته میز عزیز دوست لر. خودی منه شو معما نینگ فقط گینه ترکیه ایمس, عینی دمده چیت ایل لرده یشیتگن ترک لر اوچون هم قیین چیلیک لر یره تیب کیلیتگن لیگی کوزگه تشلنماقده. اینیقسه سونگگی ایککی ییل لیک بیر مدت مابینیده عراق ده گی ترکمن لرنینگ تروریستیک هجوم لردن انچه ضرر کورگن لیک لری بلدریلماقده. شوندای قلیب بوگونکی موضوعی میز تروریزم معما سی دن عبارت عزیز دوست لر.

ترور تشکیلاتی پی کاکا میلادی ۱۹۸۰ نچی ییلی دن بیری حربی لر, پولیس لر, عیال لر و باله لردن عبارت مینگ لب کیشی نینگ جان بیریشی گه سبب بولگن وضعیت ده. میلادی ۱۹۹۰ نچی ییلی ده تروریستیک هجوم لر نینگ آرتیب کیتیشی آرتیدن, ترکیه قوراللی کوچ لری نینگ موفقیتلی عملیات لری و اوشه دورنینگ حکومت لری نینگ دپلوماتیک فعالیت لری نتیجه سیده میلادی ۲۰۰۰ نچی ییلی نینگ سونگگی ده ترور تشکیلاتی گه قتتیق ضربه اوریلگن ایدی. براق عراق نینگ امریکا قوشمه ایالت لری تمانیدن اشغال ایتیلیشی آرتیدن اوشبو اولکه ده پیدا بولگن کوچ خلاسی و عراق نینگ شمالی ده گی محللی رهبریت نینگ تروریزم گه قرشی کوره ش بوییچه ترکیه بیلن همکارلیک ایتمه گن لیگی, پی کا کا نینگ اوز فعالیت لری نی آرتریب یوباریشی گه سبب بولیب کیتدی. میلادی ۲۰۰۸ نچی ییلی ده ایسه, ترکیه نینگ عراق نینگ شمالی گه قره تیلگن چیگره دن تشقری عملیات لری آرتیدن ترور تشکیلاتی نینگ فعالیت لری نینگ کمییب کیتگن لیگی گه شاهد بولگن ایدیک. براق میلادی ۲۰۰۹ نچی ییلی ده ترور تشکیلاتی نینگ ینه بیر بار اوز فعالیت لری نی آرتریب یوبارگن لیگی کوریندی. میلادی ۲۰۱۰ نچی ییلی نینگ ایلک کونی دن بیری ایسه, قریب ۱۰۰ نفر حربی و پولیس شهید بولر ایکن, یوزلب کیشی هم یاره لندی.

خوب, کوکلم و یاز آی لری ده اوز فعالیت لری نی آرتریب قیش آی لری ده ایسه عراق نینگ شمالی ده گی کمپ لرگه چیکیلیتگن ترور تشکیلاتی پی کا کا اورته شرق ده کیم لر تمانیدن حمایه لنماقده؟ منطقه ده بیر بیر لری بیلن چمبرچسب باغلیق کوپلب موضوع لر موجود. کتته کوچ لر و منطقه مقیاسی ده گی کوچ لر آره سیده گی کوره ش بوییچه دولت لرنینگ بیر بیر لری گه قرشی کوپلب امکانیت لری دن فایده له نیتگن لیک لری کورینماقده. ترور تشکیلات لری نی حمایه ایتیش هم خودی منه شو امکانیت لر دن بیری نی تشکیل ایتماقده. براق اوشبو موضوع بوییچه فرقلی لیق کورستماقده. آلدین ایران بیلن سوریه نینگ اینگ کوپ ترور تشکیلاتی پی کا کا نی حمایه لر ایکن, حاضرگی کونده ایسه تروریزم گه قرشی کوره ش موضوعی بوییچه ترکیه نینگ اینگ یخشی همکار لری دن عبارت ایکن لیک لری کورینماقده. شوندای قلیب بوگون ایران و سوریه چیگره سی دن ترکیه گه قرشی هیچ قندای بیر تروریستیک هجوم اویشتریلمیتگن لیگی کوزگه تشلنماقده. حتی ترکیه بیلن ایران نینگ عراق نینگ شمالی ده گی بیر تشکیلات نینگ فرقلی قسم لری دن عبارت پی کا کا و پیژاک گه قرشی مشترک عملیات اویشتریتگن لیگی بلدریلماقده. لیکن, موجود کیلیشو گه کوره ترکیه گه استخباراتی معلومات تامین ایتیشی کیره ک بولگن امریکا قوشمه ایالت لری نینگ تروریست لرنینگ اوتیب کیلیشی گه قره مسدن ترکیه بیلن همکارلیک ایتمیتگن لیگی کورینماقده. عراق ده گی جنجال لر و کوچ خلاسی نینگ دوام ایتیشی تقدیرده, ترکیه ده گی تروریزم معما سی نینگ دوام ایته دیگن لیگی کورینماقده. شوباعث ترکیه نینگ تروریزم گه قرشی کوره ش موضوعی بوییچه عراق ده بیر مخاطب تاپه آلیشی اوچون زود لیک بیلن اوشبو اولکه ده بیر حکومت نینگ قوریلیشی ضروری.

عراق و تروریزم باره سیده بحث ایتیلرایکن, ایتنیکی و مذهبی تروریزم هم ایسدن چیقاریلمس لیگی کیره بولگن بیر موضوع نی تشکیل ایتماقده. خودی منه شو تروریزم نینگ اساسی هدف لری دن بیری ایسه عراق ده گی ترکمن لردن عبارت. اوتگن ییل نینگ می آیی دن بیری تل عفر, موصل, تاز خورماتی, کرکوک و توز خورماتی سنگری جای لر ده ترکمن لر گه قرشی اویشتریلگن هجوم لر عاقبتیده یوزلب ترکمن جان بیردی. سونگگی پیت لرده خودی منه شوندای موضوع لرنینگ ینه بیر بار مطرح ایتیلیتگن لیگی کورینماقده. مثال قلیب آلگنده اوتگن آی ده تل عفر ده اویشتریلگن بیر انتحاری هجوم عاقبتیده اونلب باله هلاکت گه اوچره دی. اوشبو حادثه آرتیدن ینه ترکمن لرنینگ یشیتگن جای لردن بیری بولگن جلوله ده بیر نیچه انفجار واقعه سی یوز بیردی. اینگ سونگ ایسه توز خورماتی ده بونگه اوخشش بیر حادثه یوز بیردی. عینی دمده صلاح الدین ولایتی نینگ ولایت کینگشی منشی سی نیازی معمار اوغلی نینگ اویی گه یقین بیر جای ده گی انفجار واقعه سی عاقبتیده ۲۰ دن آرتیغراق کیشی هلاکت گه اوچررایکن, ۷۰ نفر ایسه یاره لندی. اوشبو حادثه عاقبتیده هلاکت گه اوچره گن کیشی لرنینگ کوپچیلیگی نینگ ترکمن لردن عبارت ایکن لیک لری بلدریلماقده. معمار اوغلی منطقه ده حرمت گه سزاوار بیر ترکمن رهبر دن عبارت. اوشبو انفجار واقعه سی نینگ اونینگ اویی نینگ اونگی ده یوز بیرگن لیگی, ترکمن لرگه قرشی هجوم لرنینگ ینه آرتریلیتگن لیگی نی کورستماقده. اوتگن آی ده هم خودی منه شو منطقه نینگ اوزی ده باشقه بیر ترکمن رهبر دن عبارت علی هاشم مختار اوغلی گه قرشی هجوم اویشتریلگن ایدی. شوندای قلیب ترکمن لر گه قرشی هجوم لرنینگ کونساین آرتیب باریتگن لیگی کورینماقده.

اوشبو حادثه لر بیلن علاقه لی مطبوعات نینگ تعقیب ایتیتگن یول جوده قیزیق بیر موضوع نی تشکیل ایتماقده. عراق ده گی حادثه لر گه اهمیت بیرمیتگن مطبوعات نینگ, ترکمن لر بحث موضوعی بولیشی تقدیرده اوشبو موضوع نی هیچ یاریتمیتگن لیگی کورینماقده. بولیب اوته دیگن سیلاو لردن آلدین ترکمن لرنینگ رولی نی کمیتریش سیاست لری نینگ بیر بولگی دن عبارت اوشبو هجوم لرنینگ دنیا کون ترتیبی ده اورین آلمس لیگی تقدیرده, منطقه ده گی دفاع سیز انسان لر اوزی لری نی ینه ده یالغوز حس ایتیب باشلیدی لر. شوباعث ترکمن لرنینگ یککه ایمس لیک لری نی بلدریش و دوچ کیلیب قالیتگن قیین چیلیک لری نی کون ترتیبی گه کیتریش اوچون بوگون اوشبو موضوع باره سیده بحث ایتدیک عزیز دوست لر.