انگلستان باش وزیری دیوید کامیرون انقره ده اوته مهم بیانات لر بیردی

یوباریلدی 27.07.2010 13:11:15 UTC

ینگیلندی 28.07.2010 13:26:24 UTC

رسمی بیر سفر بیلن ترکیه گه تشریف بیورگن انگلستان باش وزیری دیوید کامیرون انقره ده اوته مه بیانات لر بیردی.

توناون انقره گه تشریف بیورگن کامیرون, خودی منه شو کون نینگ اوزی ده گینه ترکیه جمهوریتی باش وزیری رجب طیب اردوغان بیلن اوچره شدی.

بولیب اوتگن یککه مه یککه اوچره شولر آرتیدن اردوغان, مهمان باش وزیر و هیئت اعضالری اوچون بیر دعوت ترتیب له دی.

کامیرون بوگون ایسه ایلک نوبت ده, اتاترک یادگارلیگی گه باریب گل قویشی آرتیدن, حرمت بجا کیتریش اوچون سکوت سقله دی.

کیین چه لیک کامیرون یادگارلیک ده گی خاص کتاب نی امضاله شی آرتیدن خودی منه شو ییرنینگ اوزی ده گی موزیم نی کوریب چیقدی.

کیین چه لیک ترکیه تجارت اتاق لری بیرلیگی ده یاش متشبث لر بیلن صحبت ایتگن کامیرون ترکیه نینگ اوروپا بیرلیگی اعضالیگی نی حمایه لیتگن لیک لری نی بلدررایکن, "ناتو متفقی اوله راق ترکیه نینگ اوروپا نی مدافعه ایتیشی و حاضرگی کونده اوروپا لیک متفق لری میز نینگ یانیده افغانستان ده عمل گه آشیریتگن فعالیت لری گه قره گنیمده, اوروپا بیرلیگی اعضالیگی بوییچه قیین چیلیک لر نینگ موجود ایکن لیگی مینی جوده خفه قلیب قویماقده. ترکیه نینگ موجود بولمه گن بیر اوروپا بیرلیگی کوچلی ایمس, بلکه ضعیف, تینچ ایمس, بلکه تینچ بولمه گن و بای ایمس, بلکه فقیر بیر اوروپا بیرلیگی دن عبارت بوله دی" دییه قید ایتدی.

کیین چه لیک ایسه کامیرون, ترکیه جمهوریتی باش وزیرلیگی ده باش وزیر اردوغان تمانیدن رسمی مراسم بیلن کوتیب آلیندی.

عینی دمده اردوغان بیلن کامیرون اوچره شو لری آرتیدن مشترک بیلن مطبوعاتی کنفرانس ترتیب له دی لر.