تشقی ایش لر وزیری احمد داوود اوغلی آلمان لیک تینگداشی بیلن اوچره شدی

یوباریلدی 28.07.2010 13:11:02 UTC

ینگیلندی 28.07.2010 13:11:02 UTC

ترکیه جمهوریتی تشقی ایش لر وزیری احمد داوود اوغلی, خلق ارا سولرده ۹ نفر ملکی نینگ جان بیریشی گه سبب بولگن اسرائیل گه قرشی ترکیه نینگ, برچه متفق لری دیک, آلمان نینگ هم همکارلیگی نی طلب ایتیتگن لیگی نی معلوم قلدی.

استانبول ده آلمان لیک تینگداشی Guido Westerwelle بیلن اوچره شگن داوود اوغلی, "بوگون لرده, اسرائیل نینگ, خلق ارا سو لرده هجوم اویشتریب, ملکی لرنینگ هلاکت گه اوچره شی گه سبب بولگن لیگی نی مشروع بیر وضعیت گه کیتره دیگن فعالیت لر گه اهمیت بیرمس لیگی میز ممکن ایمس" دییه قید ایتدی.

آلمان تشقی ایش لر وزیری Westerwelle نی کوتیب آلگن داوود اوغلی تروریزم گه قرشی کوره ش موضوعی بوییچه بحث ایترایکن اوز سوز لری نی, "دوست لری میز نینگ حمایه سی نی کوتماقده میز" شکلی ده دوام ایتتردی.

آلمان تشقی ایش لر وزیری هم, قلگن صحبتی ده, "تروریستیک فعالیت لرنی هیچ قچان قبول ایتیشی میز ممکن ایمس. بیرلیکده کوره ش آلیب باریش بوییچه قرار لی میز" جمله سیدن فایده لندی.

اوشبو اوچره شو جریانی ده بحث ایتیلگن باشقه مهم بیر موضوع ایسه ترکیه نینگ اوروپا بیرلیگی اعضالیگی دن عبارت ایدی.

اوشبو موضوع بوییچه اوز مفکوره سی نی ترک تیلی ده بلدرگن آلمان لیک وزیر, "ترکیه نینگ جهتی اوروپا تمانده" دییه قید ایتدی.

اسرائیل نینگ یاردم کیمه لری گه قره تیلگن هجومی هم کون ترتیبی گه کیلدی اوشبو اوچره شو لر جریانی ده.

داوود اوغلی, "اینیقسه ناتو اعضاسی متفق لری میز دن همکارلیک طلب ایتیشی میز اینگ طبعی حقی میز دن عبارت. آلمان دن هم همکارلیک طلب ایتیتگن لیگی میز نی اوز لری گه بلدردیم" دییه قید ایتدی.

مهمان وزیر گه, انسان حق لری و حریت لری انسانی یاردم جمغرمه سی نینگ آلمان ده گی فعالیت لری نینگ توخته تیلیشی بیلن علاقه لی قرار توغری سیده سئوال بیریلدی.

آلمان تشقی ایش لر وزیری, بیر خیل آت گه ایگه ایککی تشکیلات نینگ موجودیتی نینگ ممکن ایکن لیگی نی بلدررایکن, خودی منه شو آت گه ایگه آلمان ده گی تشکیلات نینگ ممنوع ایتیلگن لیگی نی معلوم قلدی.