مورعلی یف, قیرغزستان نینگ جنوبی ده تینچ لیک نینگ تامین ایتیلیشی بوییچه ترکیه نینگ همکارلیگی نی طلب ایتدی
قیرغزستان باش وزیری بیرینچی اورین باسری امان گیلدی مورعلی یف, بیشکیک ده ترک قیزیل آیی عمومی رئیسی عمر تاشلی بیلن اوتکزگن اوچره شوی جریانی ده, قیرغزستان نینگ جنوبی ده تینچ لیک نینگ تامین ایتیلیشی بوییچه ترکیه نینگ همکارلیگی نی طلب ایتدی
یوباریلدی 29.07.2010 12:05:44 UTC
ینگیلندی 29.07.2010 12:05:44 UTC
قیرغزستان باش وزیری بیرینچی اورین باسری امان گیلدی مورعلی یف, بیشکیک ده ترک قیزیل آیی عمومی رئیسی عمر تاشلی بیلن اوتکزگن اوچره شوی جریانی ده, قیرغزستان نینگ جنوبی ده تینچ لیک نینگ تامین ایتیلیشی بوییچه ترکیه نینگ همکارلیگی نی طلب ایتدی.
قیرغزستان حکومتی نینگ قیرغز لر بیلن اوزبیک لرنی یره شتیریش گه انتیلیتگن لیگی نی بلدرگن مورعلی یف, ترک قیزیل آیی نینگ قیرغزستان نینگ جنوبی گه قله دیگن ۴ میلیون ۲۰۰ مینگ دالرلیک یاردمی نینگ حکومت نینگ اوشبو فعالیت لری گه کتته حصه قوشه دیگن لیگی نی ایسله تیب اوتدی.
اوچ کون لیک بیر سفر بیلن قیرغزستان گه جونب کیتگن ترک قیزیل آیی نینگ عمومی رئیسی عمر تاشلی ایسه, قیرغزستان رهبریتی گه ترک خلقی نینگ سلام لری نی کیترگن لیگی نی بلدردی.
قیرغزستان نینگ جنوبی ده گی حادثه لر آرتیدن منطقه گه یوباریلگن یاردم نینگ ترکیه جمهوریتی باش وزیری رجب طیب اردوغان تمانیدن تعقیب ایتیلیتگن لیگی نی بلدرگن تاشلی, قیزیل آی آرقه لی قیرغزستان گه هرخیل یاردم فعالیت لری نینگ عمل گه آشیریلیشی بیوروغی نینگ بیریلگن لیگی نی معلوم قلدی.