AQSh Venesuelada giyohvand moddalar kontrabandasiga qarshi amaliyot boshlatmoqchi
AQSh Venesuelada giyohvand moddalar kontrabandasini dengiz yo‘lida to‘xtatgani, yaqinda quruqlik yo‘lida ham to‘xtatish uchun amaliyot boshlatishini bildirdi.
Donald Tramp payshanba kuni (27.11.2025) bergan bayonotida, AQSh yaqin kunlarda Venesuelada giyohvand moddalar kontrabandachiligidan gumon qilingan shaxslarni quruqlikda to‘xtatish uchun chora ko‘rishini bildirdi.
Tramp mavzu haqida: «Balki sezgandirsiz, insonlar bugungi kunda yuklarini dengiz yo‘li orqali tashishga jur’at eta olmayapti. Shunday ekan biz ularni quruqlikda ham to‘xtata olamiz. Hatto quruqlikdagi amaliyotlar ancha qulay va bu juda yaqin kunlarda boshlanadi», - dedi.
Venesuelaning aloqa vazirligi Trampning bu so‘zlariga hali hanuz hech qanday javob bermadi.
Tramp yetakchiligi hozirda amerikaliklarning o‘limiga yo‘l ochkan noqonuniy giyohvand moddalar ta’minotida rol o‘ynagani iddao etilgan Nikolas Maduroga qarshi kurashish maqsadida Venesuelaga nisbatan qanday choralar ko‘rilishi mumkinligi masalasi ustidan ish olib bormoqda.
Maduro esa noqonuniy giyohvand moddalar savdosi bilan hech qanday aloqali yo‘qligini qayd etmoqda.
Mintaqadagi AQSh harbiy bo‘linmalarining qurol - yarog‘ va harbiy qudrati juda yuqori bo‘lishiga qaramay, shu paytgacha bu imkonlarini asosan giyohvand moddalar kontrabandasiga qarshi yo‘lga qo‘yilgan amaliyotlarda foydalandi.
AQSh qo‘shinlari sentabr oyidan beri Karib havzasi va Tinch okeanida giyohvand moddalar tashiganidan gumon qilingan qayiqlarga qarshi kamida 21 marta hujum uyushtirdi va oqibatida kamida 83 kishini o‘ldirdi.
Venesuela bilan munosabatlarning yomonlashuvi ortidan AQSh armiyasi Kariblarga askar joylashtirdi. Shu bois ham ehtimoliy harbiy harakatlar bo‘yicha xabarlar so‘nggi haftalarda jadal ravishda ko‘paydi.
Reuters to‘rt nafar amerikalik rasmiyga tayanib, shanba kuni AQShning Venesuela amaliyotining yangi bosqichini boshlashga tayyor ekanini bildirdi.