Suriya Kosovoni mustaqil davlat sifatida rasman tan oldi

Suriya Saudiya Arabistoni poytaxti Riyodda bo‘lib o‘tgan uch tomonlama uchrashuv ortidan Kosovoni mustaqil davlat sifatida rasman tan oldi.

Suriya Tashqi Ishlar vazirligi chorshanba kuni (29.10.2025) bergan bayonotida Suriya Prezidenti Ahmad Shara, Saudiya Arabistoni valiahd shahzodasi Muhammad bin Salmon va Kosovo Prezidenti Vjosa O‘smoniy o‘rtasidagi uchrashuvda ikki tomonlama munosabatlarni rivojlantirish va o‘zaro tushunish masalalari muhokama qilindi. Shu nuqtai nazardan, o‘zaro tan olish va hamkorlik masalalari ham kun tartibiga olib chiqildi.

Bayonotda: «Shu nuqtai nazardan Suriya Arab Respublikasi xalqlarning o‘z taqdirini o‘zi belgilash huquqiga bo‘lgan ishonchi va Bolqon yarim oroli bilan dunyoda tinchlik va barqarorlikni ta’minlashga sodiqligi asosida Kosovo Respublikasini rasman mustaqil davlat sifatida tan oladi», - degan ifodalarga o‘rin berdi.

Suriya ushbu qaror umumiy manfaatlarga xizmat qilish va xalqlar o‘rtasidagi do‘stlikni mustahkamlash maqsadida dunyo mamlakatlari bilan hamkorlik va aloqalarni kengaytirish borasidagi keng siyosatga mos kelishini ta’kidladi.

Vazirlik shuningdek, Saudiya Arabistoniga muloqot va tushunishni qulaylashtirgani uchun minnatdorchilik bildirgan holda mamlakatning Suriyaning Kosovoni tan olishi uchun qulay sharoitlar yaratishga yordam berganini ta’kidladi.

Damashq eng qisqa vaqt ichida Kosovo bilan diplomatik aloqalar o‘rnatish va siyosiy, iqtisodiy hamda madaniy sohalarda hamkorlikni rivojlantirishni to‘rt ko‘z bilan kutganini bildirdi. Bu hamkorlik ikkala mamlakat va ularning xalqlari uchun foydali bo‘lishini o‘z so‘ziga ilova etdi.