Tunov kuni ikki marta sodir bo‘lgan yer silkinishi ortidan Filippinda kecha kechqurun yana 6.2 magnitudali yer silkinishi qayd etildi.
Filippin Vulkanologiya va seysmologiya instituti (PHIVOLCS) ma’lumotlariga ko‘ra 6.2 magnitudali yer silkinishi Surigao del Surning Kagveyt qirg‘oqlari yaqinida, 10 kilometr chuqurlikda sodir bo‘lgan.
Voqea tunov kuni qayd etilgan ikki yer silkinishining epitsentri Davao shahri va unga yaqin hududlarda ham his qilingan. Natijada, oldingi yer silkinishi ta’siridan hali hanuz qutila olmagan aholi orasida xavotir uyg‘otdi.
Rasmiylar voqea oqibatida yuz berish ehtimoli bo‘lgan takroriy silkinishlar va voqea yetkazgan ziyonlarni baholash ishlarini olib bormoqda.
Eslatib o‘tamiz mahalliy rasmiylar va ommaviy axborot vositalari ma’lumotlariga ko‘ra juma kuni Filippinning janubiy hududida bir necha soat farq bilan sodir bo‘lgan ikki kuchli yer silkinishi oqibatida 66 mingdan ortiq oila ziyon ko‘rgan.
Davao Oriental gubernatori Nelson Dayanghirang ABS - CBN telekanaliga shanba kuni bergan bayonotida taxminan 100 ta uy butunlay, 500 ga yaqin uy esa qisman ziyon ko‘rgan.
Mamlakatning eng ko‘p ziyon ko‘rgan hududi Davao Orientalda hukumat favqulodda holat e’lon qildi.
Milliy Tabiiy ofatlar xavfini kamaytirish va boshqarish kengashi ma’lumotlariga ko‘ra, uylari ziyon ko‘rgan yuzlab inson so‘ng xavfsiz hududlarga evakuatsiya qilindi.
Kamida sakkiz kishi halok bo‘lgani aytilmoqda.
Mindanao mintaqasining janubiy qismida 7.4 magnitudali yer silkinishidan bir necha soat o‘tib yana 6.7 magnitudali ikkinchi yer silkinishi yuz berdi. Bu holat, keyinchalik bekor qilingan tsunami xavfini keltirib chiqardi va qirg‘oq hududlaridan insonlarning evakuatsiya qilinishiga yo‘l ochdi.
Rasmiylar infratuzilma va qishloq xo‘jaligiga yetkazilgan ziyon bo‘yicha hali hanuz to‘liq ma’lumot bo‘lishmadi.
Shanba kuni holatiga ko‘ra 800 dan ortiq takroriy yer silkinishi qayd etilgan. Shuningdek, Davao Oriental qirg‘oqlaridan uzoq nuqtalarida yana 5.8 magnitudali bir yer silkinishi sodir bo‘lgan.
