Erdo‘g‘an: Turkiyaning mudofaa eksporti 11 oyda 30 foizga oshdi

Turkiya Respublikasi Prezidenti Rejep Tayyip Erdo‘g‘an so‘nggi 11 oy ichida Turkiyaning mudofaa va aviatsiya eksporti o‘tgan yilning xuddi shu davriga nisbatan 30 foizga oshib, 7 milliard 445 million AQSh dollariga yetganini ma’lum qildi.

Shanba kuni (20.12.2025) “Dengiz platformalarini xizmatga topshirish, bayroq ko‘tarish va ilk po‘lat kesimi” marosimida nutq so‘zlagan Erdo‘g‘an: “Bugungi kunda mudofaa eksporti sohasida dunyoda 11 - o‘rindamiz. So‘nggi 11 oy ichida mudofaa va aviatsiya eksportimiz o‘tgan yilning xuddi shu davriga nisbatan 30 foizga oshib, 7 milliard 445 million dollarga yetdi”, — dedi.

Turkiyaning mudofaa sanoati loyihalari faqatgina mahsulot ishlab chiqishni emas, balki ekotizim bilan texnologiya ishlab chiqarish salohiyatini kengaytirishni ham maqsad qilganini ta’kidlab: “Turkiya sifatida mudofaa sanoati sohasida amalga oshirayotgan har bir loyihamizda nafaqat mahsulot yaratamiz, balki texnologiya ishlab chiqarish quvvatini ham oshirishni ko‘zlayapmiz”, — degan ifodalarga o‘rin berdi.

Tinchlik, mustaqillik va kelajagimizni himoya qilish uchun

Erdo‘g‘an, shuningdek, Turkiya o‘z jangovar kemasini ishlab chiqarib, uni dengizga tushirgan dunyodagi 10 ta davlatdan biri ekanini qayd etib: “TCG - Anado‘luning og‘asi bo‘luvchi aviatashuvchi kemamizning qurilish jarayonlarini ham boshlatdik”, — dedi.

U yana quruqlik, dengiz, havo va kiber makonda tiyib turuvchi qo‘shimcha loyihalar bosqichma - bosqich hayotga tatbiq etilishi; ARGE - dan tortib dizayn, dasturiy ta’minot va seriyali ishlab chiqarishgacha bo‘lgan barcha jarayonlar mahalliy va milliy resurslar asosida boshqarilayotganini bildirdi.

Investitsiyalar urushga tayyorgarlik maqsadini ko‘zlamasligini alohida ifoda etgan Erdo‘g‘an: “Bizning maqsadimiz urushga tayyorlanish emas, tinchlikni asrashdir”, — dedi.