Rossiya Yevropa OAVlarini tinchlik sa’y - harakatlarini izdan chiqarishga urinishda aybladi
Mariya Zaxarova, Yevropadan kelayotgan takroriy «axborot hujumlari» mojaroning «siyosiy va diplomatik yo‘l bilan hal etilish imkoniyatini» izdan chiqarishni ko‘zlaganini ta’kidladi.
Rossiya Tashqi Ishlar vazirligi yevropalik siyosatchilar va Yevropa OAVlarini AQSh boshchiligidagi Ukraina bo‘yicha tinchlik sa’y - harakatlarini izdan chiqarishga urinishda aybladi.
Vazirlik vakili Mariya Zaxarova mavzu haqida bugun (26.11.2025) Radio Sputnikka bergan intervyusida, Yevropadan kelayotgan takroriy «axborot hujumlari» mojaroning «siyosiy va diplomatik yo‘l bilan hal etilish imkoniyatini» izdan chiqarishni ko‘zlaganini ta’kidladi.
Dushanba kuni (24.11.2025) AQSh Quruqlik kuchlari vaziri Den Driskoll Abu - Dabida rossiyalik rasmiylar bilan uchrashib, yangi muzokaralar bosqichiga yetakchilik qildi.
Driskoll, davom etayotgan jangovar harakatlarni to‘xtatishi mumkin bo‘lgan ehtimoliy tinchlik kelishuvini muhokama qilish uchun Ukraina harbiy razvedkasi rahbari Kirill Budanov bilan ham uchrashdi.
Uchrashuvlar, AQSh va ukrainalik vakillar Jenevada o‘tgan hafta oxirida Prezident Donald Trampning mubohasali 28 moddadan iborat tinchlik rejasini qayta ko‘rib chiqqan muzokaralaridan keyin bo‘lib o‘tdi.
Avvalo Rossiya foydasiga deb baholangan dastlabki versiya, Ukrainaning asosiy xavotirlarini inobatga olgan va ko‘proq muvozanatli deb baholangan taklif bilan almashtirildi.
Prezident Tramp seshanba kuni (25.11.2025) Truth Social platformasida shunday dedi: «Tinchlik rejasini yakunlash umidida, maxsus vakilim Stiv Vitkoffga Moskvada Davlat rahbari Putin bilan; Quruqlik kuchlari vaziri Den Driskollga esa ukrainaliklar bilan uchrashish topshirig‘ini berdim», — degan holda muzokaralarda «faqat bir necha kelishmovchilik nuqtalari qolganini» qo‘shimcha qildi.
Oq uy «katta yutuqlar» qo‘lga kiritilganini bildirgan bo‘lishiga qaramay, har qanday tinchlik kelishuvi yakunlanishidan avval nozik tafsilotlar hal etilishi kerakligi haqida ogohlantirdi.
Biroq Fransiya Prezidenti Emmanuel Makron bu masalaga shubha bilan yondashib, yangilangan reja doirasida Moskvada o‘t ochishni to‘xtatish borasida «aniq bir niyat yo‘qligini» ifoda etdi.