Prezident Erdo‘g‘an Ozarbayjonni Mustaqillik kuni bilan tabrikladi

Turkiya Prezidenti Rejep Tayyip Erdo‘g‘an kecha, 18 - oktabr kuni nishonlangan Ozarbayjon Mustaqillik kuni munosabati bilan Ozarbayjonni tabrikladi.

Turkiyaning ijtimoiy tarmog‘i NSosyal platformasi orqali Prezident Erdo‘g‘an mavzu haqida: «Aziz do‘stimiz, birodarimiz va qadrli Ozarbayjonni 18 - oktabr Mustaqillik kuni bilan samimiy tabriklayman. Ushbu faxrli kunda hurmatli birodarim Ilhom Aliyev va Ozarbayjon xalqiga salomlarimni yo‘llayman», – dedi.

Turkiya Respublikasi Prezidenti Administratsiyasi huzuridagi axborot va kommunikatsiyalar boshqarmasi boshlig‘i Burhanettin Duran ham ijtimoiy tarmoq orqali Ozarbayjonni tabrikladi va mavzu haqida: «Boku bilan birga bo‘lishdan va bir millat, ikki davlat tamoyilini qo‘llab - quvvatlashdan faxrlanaman», - degan ifodalarga o‘rin berdi.

Turkiya Tashqi Ishlar vazirligi esa NSosyal platformasi orqali mavzu haqida: «Hamkormiz va birodarimiz Ozarbayjonning Mustaqil bo‘lishining 34 - yilligini muborak bot etaman», - dedi.

Turkiya Milliy Mudofaa vazirligi ham Ozarbayjonni tabriklab, NSosyal platformasi orqali «Bir millat, ikki davlat» tushunchasi asosida Boku bilan birlik va hamjihatlik ichida bo‘lishdan xursand ekanliklarini qayd etdi.

Eslatib o‘tamiz:

Ozarbayjon 1991 - yilning 18 - oktabri kuni mustaqill davlat bo‘ldi va shu bois har yili 18 - oktabrda o‘zining mustaqillik kunini nishonlab keladi.

Turkiya 1991 - yilning 9 - noyabri kuni Ozarbayjon mustaqilligini tan olgan dunyodagi birinchi davlat bo‘ldi.