AQSh Rossiya urushni to'xtatmasa, Ukrainaga "Tomahawk" raketalarini yubormoqchi
AQSh Prezidenti Donald Tramp Ukraina AQShdan “Tomahawk” raketalarini talab qilgani haqida ma’lum qildi.
AQSh Prezidenti Donald Tramp dedi: agar Rossiya bilan urush hal qilinmasa, Ukrainaga Tomahawk qanotli raketalarini yuborishi mumkin. Tramp yakshanba kuni Sharm al-Shayxdagi G‘azo sulhiga bag‘ishlangan sammitga borishdan oldin aytdi: Ukrainaga “Tomahawklar kerak bo‘lishi mumkin”.
“Biz bu haqda gaplashdik, ko‘ramiz,” dedi u, Ukraina Prezidenti Volodimir Zelenskiy bilan bo‘lgan suhbatlarga ishora qilib.
“Men, rostini aytsam, Rossiya bilan gaplashishim kerak bo‘lishi mumkin. Ular Tomahawklar o‘sha yo‘nalishga yo‘naltirilishini xohlasharmikan? Menimcha, yo‘q. Adolat nuqtai nazaridan, men bu haqda Rossiya bilan gaplashishim mumkin,” dedi u, va Tomahawklarni “yangi tajovuz bosqichi” deb atadi.
“Qarang, agar bu urush hal qilinmasa, men ularga Tomahawklarni yuboraman. Tomahawk ishonchli qurol va juda hujumkor qurol. Va, rostini aytsam, Rossiyaga bu kerak emas... Agar urush hal qilinmasa, biz buni amalga oshirishimiz mumkin. Balki qilmasmiz, lekin ehtimol qilishimiz ham mumkin,” dedi u.
“Men urushning yakunlanishini ko‘rishni xohlayman,” deb qo‘shimcha qildi u.
Uning bu so‘zlari Zelenskiyning yakshanba kuni Trampning G‘azo bo‘yicha rejasi Rossiya–Ukraina urushini tugatishda oxshash yondashuv yordam berishi mumkinligi haqida umid bildirganidan keyin yangradi. Zelenskiy shuningdek ikki davlat AQShning Kiyevga uzoq masofali Tomahawk qanotli raketalarini yuborish ustida ishlayotganini ham aytgan edi.
O‘tgan dushanba kuni Tramp Kiyevga Tomahawklarni yuborish yoki yubormaslik borasida qaror qabul qilishga yaqin ekanini aytib, “Ular bu qurollardan qanday foydalanishini va raketalarni qayerga uchirishlarini bilishni xohlayman,” deb qo‘shimcha qilgan edi.