AQShdagi samolyot halokatida besh kishi jon berdi
AQShning sohil qirg‘og‘idan uzoq nuqtada sodir bo‘lgan samolyot halokatda besh kishi jon berdi.
Meksika Harbiy - dengiz kuchlari tibbiy vazifa chog‘ida yuzaga kelgan nosozlik ortidan samolyotlaridan biri AQShning Texas shtati, Galveston shahri yaqinida qulaganini tasdiqladi.
Hodisa oqibatida besh kishi halok bo‘lgani, ikki kishi esa jarohat olmay qutulib qolgani, bir kishi esa hozircha bedarak yo‘q ekani ma’lum qilindi.
Harbiy - dengiz kuchlari dushanba kuni bergan bayonotida King Air ANX - 1209 rusumli samolyot tibbiy topshiriqni bajarayotgan paytda qulagani va bortda, jumladan bir nafar bola bilan birga sakkiz kishi bo‘lganini bildirdi.
Samolyotda Michou y Mau jamg‘armasini qo‘llab - quvvatlash doirasida to‘rt nafar Harbiy - dengiz kuchlari zobiti va shunchaki tinch aholidan to‘rt kishi bo‘lgan. Ushbu jamg‘arma kuyish ortidan og‘ir jarohat olgan bolalarga yordam ko‘rsatishga ixtisoslashgan nodavlat tashkilot hisoblanadi.
Halok bo‘lganlardan biri, tibbiy davolanish uchun olib ketilayotgan va voyaga yetmagan bemorlardan biri edi.
Qutqaruv ishlarini AQSh Sohil xavfsizlik xizmati olib bordi, samolyot esa okeandan topildi.
Tashqi Ishlar vazirligi mavzu haqida X platformasi orqali bergan bayonotida, halok bo‘lganlarning yaqinlariga hamdardlik bildirdi. Shuningdek, Xyustondagi Meksika Bosh konsulligi orqali mahalliy rasmiylar bilan aloqa o‘rnatib, jabrlanganlarning oilalariga yordam ko‘rsatilayotgani haqida ma’lumot berdi.
Mahalliy OAV xabarlariga ko‘ra, halokat samolyot qo‘nishga tayyorlanayotgan bir paytda sodir bo‘lgan. Voqea Texasning ayrim hududlarini qamrab olgan qalin tuman sharoitida yuz bergan.