Hakan Fidan Anqarada Hamas delegatsiyasi bilan uchrashdi

Turkiya Tashqi ishlar vaziri Hakan Fidan Anqarada Hamas Siyosiy byurosi a’zosi Xalil al-Hayya boshchiligidagi Hamas delegatsiyasi bilan uchrashdi.

Vazirlik ma’lumotiga ko‘ra chorshanba kuni (24.12.2025) bo‘lib o‘tgan uchrashuvda Fidan bilan Hamas delegatsiyasi G‘azodagi so‘nggi vaziyatni muhokama qilgan.

Muzokaralar chog‘ida G‘azo bo‘yicha tinchlik rejasining ikkinchi bosqichiga oid masalalar yuzasidan ham fikr almashildi.

Hakan Fidan, Turkiya, Falastin xalqining huquqlarini har bir platformada qat’iy ravishda himoya qilishda davom etishini ta’kidlar ekan ayni vaqtda delegatsiyaga Turkiyaning urushdan vayron bo‘lgan G‘azoda uy - joy ehtiyojlarini qondirish va gumanitar yordam ko‘rsatish borasidagi sa’y - harakatlari haqida ma’lumot berdi.

Hamas delegatsiyasi esa o‘t ochishni to‘xtatish shartlariga rioya qilganliklari biroq Isroil G‘azo va uning aholisiga qarshi hujumlarni davom ettirayotganini bildirdi.

Delegatsiya vakillari bu yondashuv tinchlik rejasining ikkinchi bosqichiga o‘tishni to‘sib qo‘yishni maqsad qilganini ta’kidladi.

Shuningdek, G‘azoga kirishiga ruxsat berilgan yuk mashinalarining 60 foizi tijoriy tovarlarni tashiyotganini qayd etib, hududga kirayotgan gumanitar yordam miqdori hali ham favqulodda ehtiyojlarni qondirishdan juda uzoq ekanini qayd etdi.

Hamas vakillari ayniqsa asosiy ehtiyoj mollari, dori - darmonlar, boshpana uchun materiallar va yoqilg‘i borasida davom etayotgan tanqislikka e’tibor qaratdi.

Uchrashuvda, shuningdek, Falastin guruhlari o‘rtasida davom etayotgan yarashuv jarayonidagi so‘nggi o‘zgarishlar hamda ishg‘ol ostidagi G‘arbiy Sohildagi vaziyat muhokama qilindi.

Muzokaralar davomida Isroilning ishg‘ol ostidagi G‘arbiy Sohilda olib borayotgan amaliyotlari qabul qilib bo‘lmaydigan darajada noto‘g‘ri ekanini ifoda etdi.