Vazir Fidan Qatar va Ozarbayjon tashqi ishlar vazirlari bilan muloqot qildi
Vazirlar Turkiyaga qaratib otilgan ballistik raketa masalasida birdamlik va qo‘llab-quvvatlash izhor etdilar.
Turkiya Tashqi ishlar vaziri Hakan Fidan Ozarbayjon va Qatarlik hamkasblari bilan mintaqaviy o‘zgarishlarni muhokama qildi. Diplomatik manbalarga ko‘ra, Fidan juma kuni Katar Bosh vaziri va Tashqi ishlar vaziri Muhammad bin Abdurrahmon Al Soniy hamda Ozarbayjon Tashqi ishlar vaziri Jayhun Bayramov bilan alohida-alohida telefon orqali gaplashdi.
Muloqotlar chog‘ida vazirlar Turkiyaga qaratib otilgan raketalar yuzasidan o‘z birdamliklarini bildirdilar. Milliy mudofaa vazirligi avvalroq bergan bayonotida, Erondan uchirilgan va Turkiya havo hududiga kirgan ballistik o‘q-dori Sharqiy O‘rta yer dengizida joylashgan NATO havo va raketa mudofaa tizimlari tomonidan yo‘q qilinganini ma’lum qilgan edi. Bu AQSH va Isroilning Eronga qarshi urushi boshlangandan buyon yuz bergan uchinchi shunday holat ekani qayd etildi.
Isroil va AQSH 28-fevral kuni Eronga qarshi qo‘shma harbiy amaliyot boshlagan edi. Ushbu hujumlar natijasida hozirgacha, o‘sha davrdagi Eron diniy rahbari Ali Xomanaiy ham bo‘lgan 1300 ga yaqin kishi halok bo‘lgani xabar qilingan.
Tehron esa bunga javoban Isroil, Iordaniya, Iroq va AQSH harbiy bazalari joylashgan Fors ko‘rfazi davlatlariga dron hamda raketalar bilan zarbalar berdi. Ushbu hujumlar oqibatida talafotlar ko‘rilgan va fuqarolik infratuzilmasiga zarar yetgan.