Hindistondagi portlash oqibatida halok bo‘lganlar soni 27 nafarga yetdi
Hindistondagi ko‘mir konida yuz bergan portlash oqibatida halok bo‘lganlar soni 27 nafarga yetdi.
Hindistonning Meghalaya shtatidagi ko‘mir konida yuz bergan portlashda halok bo‘lganlar soni 27 nafarga yetdi, qidiruv ishlari esa davom etmoqda.
Davlat teleradiosi All India Radio xabariga ko‘ra shtatning East Jaintia Hills hududida sodir bo‘lgan portlash ortidan qidiruv - qutqaruv ishlari davom etar ekan, shu doirada yana bir nechta inson tanasi yoki jasad topildi.
Avvalroq shtat bosh vaziri Konrad Sangma portlash noqonuniy ko‘mir konida yuz berganini ifoda etgandi.
Sangma, hukumat hodisa bo‘yicha keng ko‘lamli tergov ishi boshlatganini ma’lum qildi.
Politsiya ham voqea yuzasidan tergov ishlarini boshlatdi va portlash bilan aloqali ikki kishini hibsga oldi.
«Rat - hole» yoki sichqon iniga o‘xshash turdagi konlar odatda yonbag‘irlarga qazilgan chuqur vertikal quduqlardan iborat bo‘lib, tor tunnellarga bo‘linib ko‘mir va boshqa minerallar qazib olinadi.
Hindistonning federal ekologik sudi 2014 - yili mahalliy jamoalarning suv manbalari ifloslanayotgani va hayotlar xavf ostiga qo‘yilayotgani haqidagi shikoyatlaridan so‘ng Meghalaya shtatida bu turdagi konchilikni taqiqlagan.
Biroq bu amaliyot ayniqsa East Jaintia Hills hududida bo‘lib, shtat bo‘ylab keng tarqaldi.
Tuman politsiya boshlig‘i Vikash Kumar payshanba kuni portlash dinamit sabab yuz bergan bo‘lishi mumkinligini bildirdi.