Tramp neft import qiluvchi mamlakatlarni Ho‘rmuz bo‘g‘ozini himoya qilishga chaqirdi
Donald Tramp neft import qiluvchi mamlakatlarni Ho‘rmuz bo‘g‘ozini himoya qilishga chaqirib, AQSh, bu sa’y - harakatlarni qo‘llab - quvvatlashini bildirdi.
AQSh Prezidenti Donald Tramp shanba kuni (14.03.2026) bergan bayonotida, Ho‘rmuz bo‘g‘ozi orqali neft oladigan davlatlar strategik dengiz yo‘lagi xavfsizligini ta’minlashda yetakchi rol o‘ynashi kerakligini ifoda etgan holda Amerika Qo‘shma Shtatlari bu sa’y - harakatlarni qo‘llab - quvvatlashini bildirdi.
Tramp mavzu haqida Truth Social ijtimoiy tarmoq orqali post bo‘lishar ekan, unda, bu suv yo‘lagi orqali yuk tashuvchi mamlakatlar uning xavfsizligini ta’minlashlari kerakligini qayd etdi.
Donald Tramp, «Ho‘rmuz bo‘g‘ozi orqali neft olgan mamlakatlar o‘sha yo‘lakni himoya qilishi kerak va biz ham buning uchun katta yordam beramiz», - dedi.
Tramp shuningdek, Vashington ushbu mamlakatlar bilan birgalikda harakat qilgan holda jarayon tez, muammosiz va yaxshi ilgarilashini ta’minlashini bildirdi. Mazkur xavfsizlik har doim umumiy mas’uliyat bo‘lishi zarurligini ta’kidladi.
Tramp, «Bu har doim jamoaviy harakat bo‘lishi kerak edi va bundan buyon shunday bo‘ladi» - dedi.
Mintaqada tarangliklar ortmoqda
Bu bayonotlar, Isroil bilan AQSh 28 - fevral kuni Eronga qarshi birgalikda hujumlar uyushtirishi ortidan Eron tomonidan 1 - mart kuni Ho‘rmuz bo‘g‘ozini yopib qo‘yilishi ortidan mintaqada avj olgan taranglik paytda qayd etildi.
Nomi tilga olingan hujumlarda 1 ming 200 nafardan ortiq inson halok bo‘lgani, qurbonlar orasida 150 nafardan ortiq o‘quvchi qiz bilan mamlakatning sobiq diniy lideri Ali Hamaneyning ham borligi ma’lum bo‘lar ekan; ushbu voqea ortidan mintaqadagi taranglik avj oldi.
Tehron keyinchalik AQSh bilan Isroil hujumlariga qattiq javob qaytardi. Shu doirada Isroil, Iordaniya, Iroq va AQSh harbiy salohiyatiga ega Fors koʻrfazi mamlakatlarini nishonga oldi. Voqeada qurbonlar qayd etilar ekan, tinch aholi infratuzilmasiga ziyon yetdi.
Ho‘rmuz bo‘g‘ozi — dunyoning eng muhim energiya olib o‘tish nuqtalaridan biri hisoblanadi. U, dunyoga neft yetkazib berish ishlarining yirik qismini o‘z ichiga oladi va hatto uning har qanday uzilishi xalqaro bozorlar uchun jiddiy xavotir tug‘diradi.