AQSh-Isroil hujumi boshlanganidan beri 9000 amerikalik Yaqin Sharqni tark etdi

AQSh Davlat kotibi Marko Rubioning ta’kidlashicha, AQSh–Isroilning Eronga hujumlari boshlanganidan beri taxminan 9 000 amerikalik Yaqin Sharqni tark etgan.

Rubioning bayonoti seshanba kuni AQSh va Isroil Tehronni bombardimon qilayotgan paytda yangradi. Donald Trump esa urush to‘rtinchi kuniga kirgan bir paytda mojaroni tugatish uchun Eron bilan muzokara qilishga endi “juda kech” ekanini ta’kidladi.

Xabarlarga ko‘ra, urushda 165 nafar bola va maktab xodimlari ham bo‘lgan yuzlab eronliklar hamda olti nafar AQSh askari halok bo‘lgan.

Tehron javob zarbalari berib, dron va raketalar orqali Ko‘rfaz mintaqasidagi neft inshootlari hamda AQSh diplomatik vakolatxonalarini nishonga oldi. Isroil esa Eron qo’llab-quvvatlagan Hizbulloh mojaroga aralashganidan so‘ng Lebanon hududida chuqurroq kirib borib, Hizbulloh bilan to‘qnashdi.

Rubioning ma’lum qilishicha, hozirda qariyb 1 600 amerikalik yordam so‘ramoqda. U shuningdek seshanba kuni Dubaidagi AQSh konsulligi yonida dron hujumi bo‘lganini tasdiqlab, barcha xodimlar xavfsiz ekanini bildirdi:

“Dron konsullik binosi yonidagi avtoturargohga urildi va yong‘in chiqdi. Barcha xodimlarimiz xavfsiz”,-dedi u.

Shu bilan birga, Pete Hegseth, John Ratcliffe va general Dan Caine Senat va Vakillar palatasi a’zolariga brifing berishi kutilmoqda. Respublikachilar Kongressning har ikki palatasida kichik ustunlikka ega bo‘lib, odatda Trampning siyosatini qo‘llab-quvvatlaydi.

Biroq Yaqin Sharqdagi urush ayrim respublikachilarni demokratlar bilan birga prezident xorijga qo‘shin yuborishdan oldin Kongress roziligini olishi kerakligini ta’kidlashga undadi.