Turkiyaning mudofaa va aviatsiya eksporti rekord o‘rnatib, 7,4 milliard dollarga yetdi

Turkiya Mudofaa Sanoati Prezidenti Haluk Go’rgunning ma’lum qilishicha, Turkiyaning mudofaa va aviatsiya eksporti yanvar–noyabr oylarida o‘tgan yilga nisbatan 30 foizga o‘sib, 7,4 milliard dollarga yetib rekord natija qayd etdi.

Go’rgun, mudofaa va aviatsiya eksportining 2025-yil noyabr oyida o‘tgan yilning shu davriga nisbatan 22 foiz ko‘tarilib, 747 million dollarga yetganini payshanba kuni Turkiyaning NSosyal ijtimoiy media platformasida e’lon qildi.

Prezident Go’rgun shunday dedi:
“Bu sur’at bilan sektormiz nafaqat noyabr oyidagi oshish bilan, balki yil davomida ko‘rsatgan umumiy natijasi bilan ham yangi rekord qayd etdi. Atigi 11 oyda erishgan eksport ko‘rsatkichlarimiz, yillik barcha davrlardagi eng yuqori darajalarni ortda qoldirdi.”

Ushbu natijalar bilan sektor yuqori qo‘shilgan qiymatli mahsulotlarda barqaror o‘sishni davom ettirayotgani, eksport hajmini kengaytirayotgani va global bozorlarda raqobat kuchini yanada oshirayotganini ta’kidladi.

Go’rgun, Mudofaa Sanoati Prezidentligining maqsadi eksport qiluvchi kompaniyalar sonini ko‘paytirish, KOBIlani global ta’minot zanjirlariga integratsiya qilish va barqaror, yuqori qo‘shilgan qiymatli eksport modelini rivojlantirish ekanini bildirdi.

Mudofaa Sanoati Prezidenti Haluk Go’rgun yana shunday dedi:
“Turkiya mudofaa sanoatida ishlab chiqaradigan, rivojlantiradigan va eksport qiladigan kuchli ekotizim bilan yo‘lini qat’iyat bilan davom ettirmoqda.”

Turkiya payshanba kuni avval e’lon qilingan umumiy eksport ma’lumotlariga ko‘ra, noyabr oyida yillik hisobda 2,2 foiz o‘sish bilan 22,7 milliard dollarga yetganini ma’lum qilgandi.