G‘azoda halok bo‘lgan to‘rt nafar isroillik mahbusning jasadi topshirildi

Isroil armiyasi Xalqaro Qizil xoch qo‘mitasi qamaldagi G‘azoda halok bo‘lgan to‘rt nafar isroillik mahbusning jasadini qabul qilib, Isroil kuchlariga topshirganini ma’lum qildi.

Armiya tomonidan berilgan bayonotda: «Qizil Xoch tomonidan berilgan ma’lumotlarga ko‘ra halok bo‘lgan mahbuslar to‘rtta tobut ichida qabul qilib olindi va G‘azodagi IDF (Isroil armiyasi) va ISA kuchlari tomon yo‘lga chiqdi», - deyildi.

Armiya avvalroq Qizil xoch bir necha isroillik mahbus jasadini qabul qilib olish uchun G‘azo shimolidagi belgilangan manzilga ketayotganini ma’lum qilgandi.

Falastinlik guruhi dushanba kuni G‘azoda o‘t ochishni to‘xtatish kelishuvi doirasida to‘rt nafar isroillik mahbus jasadini topshirdi.

Hamas, shuningdek, o‘tgan hafta yo‘lga qo‘yilgan otashkesim kelishuvining birinchi bosqichi doirasida dushanba kuni ertalab falastinlik taxminan 2000 nafar mahbus evaziga isroillik 20 nafar mahbusni tiriklayin ozod etdi.

O‘tgan hafta AQSh Prezidenti Donald Tramp Isroil bilan Hamas G‘azoda otashkesimning yo‘lga qo‘yilishi, isroillik mahbuslarning falastinlik mahbuslar bilan almashilishi va Isroil kuchlarining bosqichma - bosqich hududni tark etishini o‘z ichiga olgan va 29 - sentabrda e’lon qilingan rejaning birinchi bosqichini qabul qilgani yoki unga rozi bo‘lganini ma’lum qilgandi.

Rejaning birinchi bosqichi juma kuni kuchga kirdi.

AQSh rasmiylari tomonidan berilgan tafsilotlarga ko‘ra rejaning ikkinchi bosqichi G‘azoda yangi boshqaruv organini tashkil etish, ko‘p millatli kuchlar yaratish va Hamasni qurolsizlantirishni o‘z ichiga oladi.

Qizil Xoch jamiyati mustaqil ravishda bergan bayonotida, halok bo‘lgan mahbuslarning jasadlari qabul qilib olinganini tasdiqladi.

Ushbu qabul qilib olishlar Qatar va Misr o‘rtamchiligida bir necha hafta davom etgan qizg‘in muzokaralar ortidan sodir bo‘ldi, Vashington esa o‘t ochishni to‘xtatishni dastlabki bosqichlardan tashqari uzaytirishga qaratilgan parallel muzokaralarda ishtirok etdi.

Isroil harbiylari, jasadlarni o‘z oilalariga topshirishdan oldin shaxsni aniqlash jarayonlari bo‘lib o‘tishini bildirdi.