Isroil, G‘azodan cheklangan sondagi bemorlar uchun Rafah chegara darvozasini qayta ochdi
G‘azoning Isroildan tashqaridagi yagona chegara darvozasining qat’iy nazorat ostida qayta ochilishi, keng ko‘lamli yordam imkoniyatlari noaniq qolayotgan bo‘lsa-da, cheklangan tibbiy harakatlanishga ruxsat bermoqda.
xabarlarni tasdiqlab, darvozaning kunida har ikki tomonga 50 kishining o‘tishini ta’minlashini ma’lum qildi. Isroilning G‘azo urushi jarayonida bu yerni deyarli ikki yil oldin egallab olganidan so‘ng, ushbu muhim o‘tish joyining qisman qayta ochilishi bilan G‘azodagi falastinliklar Rafah darvozasining kengroq ko‘lamda ochilishini intizorlik bilan kutayotgan edi.
Chegara punkti yordam tashkilotlarining oylarcha davom etgan chaqiriqlari va xalqaro bosimdan so‘ng, yakshanba kuni qat’iy cheklovlar bilan sinov bosqichida qayta ochildi. Isroil davlat teleradiokompaniyasi Kan dushanba kuni taxminan 150 kishining Misrga o‘tishi kutilayotganini, ulardan qariyb 50 nafari bemor ekanini va yana 50 kishining G‘azoga kirishi rejalashtirilganini ma’lum qildi. Darvozaning kunida taxminan olti soat ishlashi kutilmoqda.
Hozirda 200 bemor kutmoqda
Misr tomonida tez yordam mashinalari bemorlarni qabul qilish uchun allaqachon navbatga turgan. G‘azo Sog‘liqni saqlash vazirligi, ayni paytda 200 nafar bemorning safar ruxsatnomasini kutayotganini qayd etdi. Urush boshida yaralanib bir oyog‘idan ayrilgan Muhammad Nosir shunday dedi: "Rafah chegara darvozasi hayot yo‘lidir. G‘azoda iloji bo‘lmagan biroq chet elda amalga oshirilishi mumkin bo‘lgan jarrohlik amaliyotiga muhtojman." Rafah, Isroil orqali o‘tmayotgan G‘azoning yagona chegara darvozasi bo‘lib, uzoq vaqtdan beri insonparvarlik yordami uchun o‘ta muhim yo‘nalish bo‘lib kelgan. Isroil kuchlari 2024-yil may oyida nazoratni qo‘lga olganidan beri, bu yil boshidagi qisqa va cheklangan ochilishni hisobga olmaganda darvoza yopiq qolayotgan edi. Yordam tashkilotlari 10-oktabrdan beri amal qilayotgan o‘t ochishni to‘xtatish tartibiga qaramay, G‘azodagi sharoitlar hali ham yomonligini ta’kidlamoqda. Isroilning falastinliklar bilan fuqarolik ishlarini muvofiqlashtiruvchi COGAT idorasi, faqat shaxslarning "har ikki yo‘nalishda" harakati dushanba kuni boshlanishini aytdi, biroq yordam yuborishning kengaytirilishi bo‘yicha bir bayonot bermadi.
Misr kasalxonalari G‘azodan keladigan bemorlar uchun tayyor
Misr tomonida Cairo News darvozasining "24 soat ochiq" qolishini va Misr kasalxonalarining G‘azodan keladigan bemorlarni qabul qilishga tayyorligini ma’lum qildi. Darvozaning qayta ochilishi, Isroilning o‘tgan hafta G‘azoda ushlab turilgan so‘nggi garovga olingan Ran Gvilining jasadini qaytarib olib dafn etishidan so‘ng yuz berdi. Bu vaziyat Isroil rasmiylarining oldinroq Rafahning bosqichma-bosqich qayta ochilishi bilan bog‘lagan qadami hisoblanadi. Isroilning davom etayotgan hujumlari hafta so‘ngida o‘nlab kishini o‘ldirdi. Darvoza qayta jonlanayotgan bir paytda Isroil hujumlari esa davom etdi. G‘azo Fuqarolik mudofaasi shanba kuni Isroil hujumlari natijasida kamida 32 kishining vafot etganini ma’lum qildi. Isroil armiyasi, Rafahdagi tuneldan jangchilar chiqqanidan so‘ng mazkur nishonlarni urganini da’vo qildi. Tel-Avivning qamal ostidagi hududga mustaqil kuzatuvchilar kirishiga ruxsat bermayotgani sababli bu da’voni tasdiqlash hali ham qiyin.
Isroil shuningdek yakshanba kuni, "Chegara bilmas shifokorlar" (MSF) guruhi falastinlik xodimlarining ro‘yxatini berishni rad etgani uchun G‘azodagi insonparvarlik operatsiyalarini to‘xtatganini e’lon qildi; tashkilot esa bunday talab xodimlarni xavf ostiga qo‘yishini ta’kidlamoqda. Boshqa tomondan, Misr va Iordaniya rahbarlari, cheklangan ochilishlar kengroq ko‘lamdagi aholini ko‘chirish rejalarini yashirishi mumkinligi bo‘yicha mintaqaviy xavotirlar orasida, falastinliklarni G‘azodan chiqarishga qaratilgan har qanday urinishni rad etishlarini yana bir bor bildirdilar.