Isroil seshanba kuni (02.12.2025) AQSh Prezidenti Donald Trampning ehtiyorkorlik chaqirig‘iga qaramay, Suriya janubiga qarshi yana bosqin uyushtirdi va Qunaytrada tark etilgan harbiy postni portlatdi.
Suriya davlat telekanali Alikhbariyaning xabar berishicha, ikki dona Isroil tanki bilan o‘nlab harbiy mashina Qunaytra janubiy qishlog‘i bo‘lmish Samdaniya Sharqiya hududiga kirib borib, tark etilgan harbiy nuqtani vayron qilgan.
Hujum bo‘yicha hozircha Isroil armiyasi yoki suriyalik rasmiylar tomonidan hech qanday izoh berilmadi.
Trampning ogohlantirishlariga e’tibor bermaslik
Hujum, yaqin atrofdagi ikki qishloqqa qarshi uyushtirilgan shunga o‘xshash Isroil bosqinlaridan 24 soat o‘tib sodir bo‘ldi; bu esa oylar davomida Suriya janubini nishonga olib kelayotgan deyarli kundalik hujumlar ketma - ketligining bir qismi hisoblanadi.
Dushanba kuni (01.12.2025) Tramp tinchlikka chaqirib, shunday degan edi: “Isroilning Suriya bilan kuchli va haqiqiy muloqot olib borishi juda muhim. Suriyaning farovon davlatga aylanishiga hech narsa to‘sqinlik qilmasligi kerak”.
Tramp, Suriya Prezidenti Ahmad Sharaaning tinchlik yo‘lida “puxta ishlayotgani”ni maqtar ekan, bu davrni “tarixiy imkoniyat” deb ta’rifladi.
Suriya hukumatining ma’lumotlariga ko‘ra, 2024 - yilning dekabr oyidan buyon Isroil janubiy viloyatlarga 1 000 dan ortiq havo hujumi va 400 dan ortiq quruqlikdan kirish amaliyotlarini amalga oshirgan.
O‘tgan yili Bashar Asad rejimi qulaganidan so‘ng, Isroil BMT nazoratidagi bufer zonani egallab; 1974 - yilgi Kuchlarni ajratish bitimini buzgan holda, bosib olingan Go‘lan tepaliklari ustidan nazoratini kengaytirdi.
