“Ba’zi hukumatlar mustaqil va erkin ovozlarni eshitishni xohlamadi”,- degan Karman o‘zining asosiy murojaatini Kengash palatasi tashqarisida BMT matbuotiga yetkazdi. 

Yamandagi inqirozning tub sababi “davlatning qulashi” ekanini aytgan faol, bunda asosiy mas’uliyat xusiylar zimmasida ekanini ta’kidladi. 

Karman o‘z bayonotida shunday dedi: “Shu bilan birga, xalqaro miqyosda tan olingan hukumatning samarasiz faoliyati, boshqaruv inqirozi va ichki bo‘linishlar davlat institutlari hamda qonun ustuvorligini yanada zaiflashtirdi. Saudiya Arabistoni boshchiligidagi koalitsiya va BAAning aralashuvi ham rasmiy hukumat mavqeiga putur yetkazdi. 

Yaman xalqi xalqaro hamjamiyatdan o‘z kelajagini qurib berishni so‘ramayapti. Ular o‘z mamlakatlarini qaytarib olish va o‘z kelajagi uchun kurashda dunyo hamjamiyatini o‘z tomonida ko‘rishni istamoqda”.