Ichki ishlar vazirligi esh-Şeddadi qamoqxonasidan 120 nafar DEASh mahbusi ozod etilgach, ularni qidirish ishlari davom etayotganini ma’lum qildi.
Vazirlik seshanba kuni bergan bayonotida, mahbuslar eş-Şeddadi shaharchasidagi qamoqxonadan chiqarib yuborilganidan so‘ng Suriya armiyasi bo‘linmalari va Ichki ishlar vazirligining maxsus operatsiya kuchlari tomonidan xavfsizlik tekshiruvi boshlanganini bildirdi.
Bayonotda shunday deyiladi: “120 nafar DEASh terrorchisi esh-Şeddadidagi qamoqxonadan qochib chiqqanidan keyin Suriya armiyasi va Ichki ishlar vazirligi kuchlari shaharga kirib, keng qamrovli qidiruv va tozalash amaliyotini o‘tkazdi.” Operatsiya davomida 81 nafar DAASh a’zosi qo‘lga olingani, qolgan mahbuslarning joyini aniqlash va ularni hibsga olish bo‘yicha ishlar davom etayotgani qo‘shimcha qilindi: “Qolgan DEASh terrorchilarini qidirish ishlari davom etmoqda.”
Ichki ishlar vazirligining avvalgi bayonotlarida mahbuslarning qamoqxonadan ozod etilishi uchun YPG terror tashkiloti mas’ul ekani ta’kidlangan edi. Ushbu xavfsizlik amaliyoti Suriya shimoli-sharqida kechayotgan kengroq siyosiy va harbiy jarayonlar fonida amalga oshirildi.
Yakshanba oqshomida Suriya prezidenti Ahmad Al-Shara YPG terror tashkiloti yetakchiligidagi SDGning davlat muassasalariga to‘liq integratsiyasini nazarda tutuvchi o‘t ochishni to‘xtatish kelishuvini e’lon qildi. Kelishuvga ko‘ra, tashkilotning harbiy tuzilmalari Furot daryosining sharqiga chekinadi; Raqqa va Dayr az-Zor viloyatlarining ma’muriy hamda xavfsizlik nazorati esa Suriya davlatiga topshiriladi. Shuningdek, chegara o‘tish punktlari, neft va gaz konlari hamda fuqarolik muassasalari hukumat nazoratiga beriladi.
Mazkur kelishuv Suriya armiyasi tomonidan boshlangan va mamlakatning sharqiy hamda shimoli-sharqiy hududlarida katta maydonlar qayta nazoratga olingan harbiy amaliyotdan so‘ng tuzildi. Suriya rasmiylariga ko‘ra, bu operatsiya YPG terror tashkiloti yetakchiligidagi SDGning taxminan bir yil avval Damashq bilan imzolangan avvalgi kelishuvlarni takroran buzishi sabab boshlangan.
