Suriya Mudofaa vaziri Murhaf Abu Qasra kecha (11.10.2025) poytaxt Damashqda Turkiya Mudofaa sanoati rahbari Haluk Goʻrgun va hamrohligidagi hay’at bilan uchrashdi.
Suriya Mudofaa vazirligi o‘zining Telegram kanali orqali mavzu haqida bergan bayonotida ikki tomon bir qator masalani, shu jumladan, mudofaa sohasidagi hamkorlikni rivojlantirish yo‘llarini qoʻlga olganliklarini bildirdi.
Uchrashuv Turkiya Tashqi Ishlar vazirligi tomonidan e’lon qilinganidek, bugun, ya’ni 12 - oktabr kuni Anqarada boʻlib oʻtadigan oliy darajali uchrashuv oldidan tashkil etildi.
Nomi tilga olingan uchrashuv kun tartibida asosan xavfsizlik sohasidagi hamkorlik va mintaqadagi oxirgi vaziyatlar boʻlishi kutilmoqda.
Mazkur uchrashuvda Turkiya nomidan Tashqi Ishlar vaziri Hakan Fidan, Mudofaa vaziri Yashar Guler va Milliy Razvedka tashkiloti rahbari Ibrahim Kalin ishtirok etadi.
Bundan avval, 8 - oktabr kuni Hakan Fidan suriyalik hamkasbi Asad Hassan al - Shayboniy bilan Anqarada uyushtirilgan mushtarak matbuot anjumanida Suriyadagi oxirgi vaziyatlar, oʻzaro munosabatlar va mintaqadagi yangiliklar ustidan keng koʻlamli va ochiq muloqot oʻtkazganliklarini ifoda etgandi.
Turkiya Tashqi Ishlar vaziri, shuningdek, Suriya hukumati terrorizmga qarshi kurash masalasida irodali ekanini bildirgan holda mavjud vaziyatni: «Asad rejimi davrida hal qilinmagan xavfsizlik muammolarini bartaraf etish uchun katta imkon», - sifatida baholadi.
