Turkiya Respublikasi Prezidenti Administratsiyasi huzuridagi axborot va kommunikatsiyalar boshqarmasi boshlig‘i Burhaneddin Duran, ishg‘ol ostidagi Sharqiy Quddusda o‘rin olgan al - Aqso jome’ masjidida Ramazon hayiti bayrami kuni ibodat qilishni istagan musulmonlarga monelik qilgan Isroil kuchlari harakatini keskin qoraladi.
Duran, juma kuni NSosyal platformasi orqali mavzu haqida shunday dedi: “Isroil bosqin kuchlarining al - Aqso jome’ masjidida hayit namozi o‘qishni istagan musulmonlarga hujum qilinishini keskin qoralayman. Ramazon hayiti kabi birlik, osoyishtalik va birodarlik eng mustahkam tus olgan bir kunda ibodat uchun to‘plangan tinch aholiga qilingan bu hujum — e’tiqod erkinligi va inson qadr - qimmatiga ochiqdan - oydin ziddir”.
“Qonun, tamoyil va qadriyatni tan olmaydigan Isroilning bu vahshiyligi, uyatli sahifalariga yana birini ilova etdi”, - degan Duran so‘zlarida davomida: “Turkiya, Prezidentimiz janob Rejep Tayyip Erdo‘g‘an rahbarligida al - Aqso jome’ masjidi maqomi va muqaddasligiga qaratilgan har qanday buzg‘unchilik va qonunsizlikka qarshi qat’iy pozitsiyasini davom ettiradi”, - degan ifodalarga o‘rin berdi.
Isroil rasmiylari, Eron bilan olib borilayotgan urush doirasida qo‘llanilayotgan xavfsizlik cheklovlarini bahona qilib, ishg‘ol ostidagi Sharqiy Quddusdagi al - Aqso jome’ masjidida Ramazon hayiti namozini taqiqladi.
Falastinliklar esa Ramazon oyining tugashini ifodalovchi bayram namozini al - Aqso jome’ masjidiga imkon qadar yaqin joylarda o‘qish uchun Eski Shahar atrofida to‘planishga chaqiriq berdi.
