Turkiya, Saudiya Arabistoni va Pokistonning yuqori martabali rasmiylari Eron poytaxti Tehronda eronlik rasmiylar bilan uchrashishi ma’lum qilindi.
Eron Milliy xavfsizlik oliy kengashi bosh kotibining o‘rinbosari Ali Boqiriy Eron televideniyesiga bergan bayonotida, Makka ittifoqiga a’zo Turkiya, Saudiya Arabistoni va Pokistonning yuqori martabali rasmiylari Tehronga tashrif buyurishini bildirdi.
Boqiriy yig‘ilishda Saudiya Arabistoni mudofaa vaziri shahzoda Xolid bin Salmon, Pokiston Qurolli Kuchlari Bosh shtabi boshlig‘i Osim Munir hamda Turkiyaning yuqori martabali vakili ishtirok etishini aytdi. Uning ma’lum qilishicha, ular Eron Milliy xavfsizlik oliy kengashi bosh kotibi Muhsin Rizoiy bilan muzokara o‘tkazadi.
Eron matbuoti Boqiriy sanasini ochiqlamagan yig‘ilish bugun bo‘lib o‘tishini xabar qildi.
MIT rahbari Ibrohim Kalin ham yig‘ilishda ishtirok etadi
Anadolu agentligining Turkiya xavfsizlik manbalaridan olgan ma’lumotiga ko‘ra, Milliy razvedka tashkiloti — MIT rahbari Ibrohim Kalin Tehrondagi yig‘ilishda qatnashadi.
