AQSH vitse-prezidenti J.D. Vens Eron bilan muhim muzokaralarni boshlash maqsadida Pokistonga keldi. Bu 2011-yildan buyon AQSH vitse-prezidenti darajasidagi amalga oshirilgan ilk tashrifdir. Mazkur muloqotlar Yaqin Sharqdagi mojarolarni, xususan G'azo atrofidagi vaziyatni yumshatish va sulhga erishish harakatlari bilan bir vaqtga to‘g‘ri kelmoqda.
Anadolu agentligi xabariga ko‘ra, Vens boshchiligidagi hay’at shanba kuni Islomobodga yetib kelgan. Muzokaralar ikki haftalik vaqtinchalik sulh davom etayotgan bir paytda o‘tkazilmoqda. Hay’at tarkibida maxsus vakil Stiv Vitkoff va Jared Kushner ham bor.
Eron delegatsiyasiga parlament spikeri Boqir Qolibof boshchilik qilmoqda. Uning tarkibida tashqi ishlar vaziri Abbos Aroqchi va Milliy xavfsizlik kengashi raisi o‘rinbosari Ali Boqiriy Koniy ham mavjud. "Islomobod muloqotlari" deb nomlangan ushbu uchrashuvlar ham bevosita, ham bilvosita ko‘rinishda bo‘lib o‘tishi kutilmoqda.
Pokiston vositachiligida o‘tayotgan ushbu muzokaralar poytaxtning maxfiy va qat’iy qo‘riqlanadigan joyida o‘tkazilmoqda. Bosh vazir Shahboz Sharif ushbu muloqotlarni "doimiy tinchlikka erishish uchun hal qiluvchi bosqich" deb atadi. Shuningdek, har ikki hay’at vakillari Pokiston rahbariyati bilan alohida uchrashuvlar o‘tkazishi rejalashtirilgan.
AQSH vitse-prezidenti J.D. Vens Eron bilan o‘ta muhim muzokaralarni boshlash maqsadida Pokistonga keldi. Bu 2011-yildan buyon AQSH vitse-prezidenti darajasida amalga oshirilgan ilk tashrif bo‘lib, u Pokistonda Yaqin Sharqdagi sulh muzokaralarini, xususan G'azodagi o‘t ochishni to‘xtatish jarayonini ilgari surish harakatlari bilan bir vaqtga to‘g‘ri kelmoqda.
Hukumat manbalarining "Anadolu" agentligiga ma’lum qilishicha, AQSH vitse-prezidenti J.D. Vens boshchiligidagi delegatsiyani olib kelgan AQSH Harbiy-havo kuchlari samolyoti Yaqin Sharqdagi mojaroga chek qo‘yish maqsadida Eron bilan o‘ta muhim muzokaralar o‘tkazish uchun shanba kuni Pokiston poytaxti Islomobodga yetib keldi. Muzokaralar ikki haftalik sulh davom etayotgan bir paytda bo‘lib o‘tadi.
Rasmiylarning ta’kidlashicha, delegatsiya a’zolari va jurnalistlarni tashiydigan yana ikkita samolyot poytaxt yaqinidagi Ravalpindi shahridagi "Nur Xon" aviabazasiga qo‘ngan. AQSH delegatsiyasi tarkibida maxsus vakil Stiv Vitkoff va Donald Trampning kuyovi Jared Kushner ham bor. Mazkur tashrif 2011-yildan beri biror-bir AQSH vitse-prezidentining Pokistonga qilgan ilk safaridir.
Eron delegatsiyasi parlament spikeri Boqir Qolibof boshchiligida, tarkibida Tashqi ishlar vaziri Abbos Aroqchi va Milliy xavfsizlik kengashi raisi o‘rinbosari Ali Boqiriy Koniy bilan shanba kuni ertalab Islomobodga yetib keldi.
Islomobod muloqotlari Pokiston "Islomobod muloqotlari" deb nomlangan ushbu muhim muzokaralarga mezbonlik qilmoqda; muloqotlarning ham bevosita, ham bilvosita formatlarda o‘tkazilishi kutilmoqda. Pokiston vositachiligidat o‘tayotgan ushbu muzokaralar qat’iy xavfsizlik choralari ostida poytaxtning maxfiy joyida o‘tkazilmoqda va pokistonlik rasmiylarga ko‘ra, bir necha kun davom etishi mumkin.
Bosh vazir Shahboz Sharif "doimiy sulhni ta’minlash uchun hal qiluvchi bosqich" deb atagan ushbu muloqotlarda Pokiston nomidan Tashqi ishlar vaziri Is’hoq Dor ishtirok etmoqda. Yuqori martabali hukumat vakilining ta’kidlashicha, har ikki delegatsiya vakillarining Shahboz Sharif bilan alohida uchrashuvlar o‘tkazishi ham rejalashtirilgan.
