Rossiya payshanba kuni (27.11.2025) Turkiyaga, Ukraina bilan tinchlik muzokaralari o‘tkazish uchun platforma taklif qilgani munosaabti bilan minnatdorlik bildirdi. Tashqi Ishlar vazirligi Matbuot xizmati vakili Mariya Zaxarova esa muzokara jarayoni faqat siyosiy, diplomatik yoki gumanitar jihatdan real va aniq natijalar bergan taqdirdagina mazmunli bo‘lishini ta’kidladi.
Zaxarovaning aytishicha: «Har doim muzokara jarayoniga mezbonlik qilayotgan davlatlarning tashabbuslari yoki uning qanday o‘tkazilishi mumkinligi haqidagi mexanizmlar, modellar va konsepsiyalari biz uchun muhimdir», - degan ifodalarga o‘rin berdi.
Turkiya, Rossiya - Ukraina muzokaralariga mezbonlik qilishni bir necha bor taklif qildi va bu yil to‘rtinchi yilga kirgan urush davomida buni haqiqatdan ham amalga oshirgan dunyodagi kamdan - kam davlatlardan biridir.
Zaxarova Ukraina tomonining salbiy munosabatiga qaramay Moskva har doim insonlar uchun, insoniy muammolarni hal qilish hamda tinchlik sari siljish maqsadida muloqotda bo‘lib kelganini ifoda etib:
«Ammo Istanbuldagi muzokaralar Kiyev rejimi tomonidan sabotaj qilinganiga guvoh bo‘lyapmiz. Oxirgi bosqichdagi barcha takliflarimizga ular tomonidan monelik qilinganidan boxabarmiz. Takror niyatlarini bildirishi ortidan butunlay teskarisini qildilar yoki to‘g‘risi, hech narsa qilmadilar», - dedi.
Zaxarova shuningdek: «Biz har doim minnatdorchilik bildiramiz. Aynan shunday kunlarda Rossiya – Ukraina muzokaralari uchun o‘z platformasini taklif qilish borasidagi mehmondo‘stligi va istaklari uchun turk tomoniga rahmat. Biz bu formatdan voz kechmagan edik, buni qabul qilmagan tomon – Kiyev rejimidir», - degan ifodalarga o‘rin berdi.
Zaxarovaning aytishicha, iyul oyidan beri Ukraina Rossiyaning takliflariga javob bermay kelmoqda va muzokaralarni to‘xtatgan vaziyatda. Bu takliflar orasida siyosiy, harbiy va insonparvarlik masalalari bo‘yicha uchta ishchi guruhi tuzish ham borligini ifoda etgan Zaxarova so‘zlari yakunida: «Hay’at darajasini oshirish taklifiga ham javob bermadilar», - deya gapirdi.
