Kiyevda juma kuni (20.03.2026) uyushtirilgan matbuot anjumanida gapirgan Zelenskiy, Rossiyada Telegramning bloklanishiga oid savolga javob berar ekan; Ukraina razvedkasi Rossiya ichida faoliyat yuritish uchun Telegramdan foydalanishini tan oldi.

Zelenskiyning aytishicha, Moskva ham Telegram orqali ukrainaliklarni nishonga olmoqda.

Uning so‘zlariga ko‘ra Rossiya va uning maxsus xizmatlari Telegram orqali Ukraynada faoliyat yuritayotgani ma’lum, bu aniqlangan va bunga qarshi kurash olib borilmoqda.

Xuddi shu tarzda Ukraina ham Telegram orqali Rossiya ichida ishlayotganini ochiq - oydin ifoda etdi.

Telegramga qo‘yilgan cheklovlar Ukrainaning ishini qiyinlashtirayotganini tan olgan Zelenskiy, shunga qaramay, Rossiyaning milliy xabar almashish ilovasi Maxga ham erishishlarini bildirdi.

Telegramning Ukrainaga ma’lumot uzatayotgani haqidagi iddaolar

Zelenskiy, Telegramga cheklovlar qo‘yilishi tufayli rus xalqiga SMS yuborish qiyinlashgani ammo Max orqali ham faoliyatini davom ettirilishini ifoda etdi.

Rossiya rasmiylari o‘tgan yilning dekabr oyida Telegram xizmatini sekinlashtira boshlar ekan, Rossiya Federal Xavfsizlik Xizmati (FSB) ushbu ilovani Ukraina armiyasi va razvedkasiga ma’lumot yetkazishda ayblagan edi.

Fevral oyi boshida ilovaga kirish cheklandi ammo harbiylardan kelgan shikoyatlar sababli bu cheklovlar bekor qilindi.

Rossiya 2019 - yildan beri Facebook, Instagram, LinkedIn, YouTube va WhatsApp kabi ko‘plab ijtimoiy tarmoqlarga kirishni taqiqlagan.