Turkiya Tashqi Ishlar vazirligi Matbuot xizmati kotibi O‘nju Kecheli Yevropa ittifoqi tomonidan 2026 - yilning 15 - iyuli kuni e’lon qilingan «Umumiy tushuncha» hujjatida Turkiyaga nisbatan ishlatilgan ifodalar yuzasidan yozma bayonot berdi.
Kecheli mazkur hujjatda Turkiyaga oid baholashlar strategik va xolis yondashuvdan yiroq ekanini ta’kidlab, Yevropa ittifoqining Turkiyaning nomzod davlat maqomini e’tibordan chetda qoldirishi ittifoqning umumiy kelajak haqidagi ko‘z qarashini shakllantirishdagi ojizligini ko‘rsatishini bildirdi.
Ular NATOning Anqara sammiti haqiqatini soyada qoldirishga urinmoqda
Hujjat e’lon qilingan vaqtga e’tibor qaratgan Kecheli mavzu shunday dedi: “Mazkur hujjat yevropalik ittifoqchilar NATO doirasida sezilarli darajada qo‘shimcha mas’uliyatni o‘z zimmasiga olgan, yangi davrning poydevori qo‘yilgan va Turkiyaning o‘rnini hech narsa bosa olmasligi yana bir bor tasdiqlangan tarixiy NATO Anqara sammitidan so‘ng, aynan shu haqiqatni soyada qoldirishga urinuvchi ruhda tayyorlangani ko‘rinib turibdi”.
Sharqiy O‘rta yer dengizi va Kipr bo‘yicha bayonot
Kechelining ta’kidlashicha, hujjatda Sharqiy O‘rta yer dengizi masalasida ilgari surilgan asossiz iddaolar Yevropa ittifoqi hanuzgacha biryoqlama va noto‘g‘ri yondashuv ta’siridan xalos bo‘la olmaganini ko‘rsatadi.
Kipr masalasiga to‘xtalgan Kecheli, yechimga 2004 - yilda Kipr turk tomoni qabul qilgan BMTning Keng ko‘lamli yechim rejasini rad etgan hamda 2017 - yilda o‘tkazilgan Kipr konferensiyasida murosasiz pozitsiya tutib, muzokaralarning natijasiz yakunlanishiga sabab bo‘lgan Kiprning grek tomoni to‘sqinlik qilganini yana bir bor yodga soldi.
U so‘zlari yakunida Yevropa ittifoqini voqelikka asoslangan hamda har ikki tomon manfaatiga mos keladigan yondashuv va siyosiy pozitsiyani qabul qilishga chaqirdi.
