kemalari qatnovini himoya qilish haqidagi buyrug‘i asosida amalga oshirilganini tasdiqladi.
Eron ommaviy axborot vositalariga ko‘ra, AQSh Eronga qarshi yangi hujumlarni boshlashi bilan mamlakatning turli hududlarida portlashlar yuz berdi.
Eron davlat teleradiokompaniyasi – IRIB mamlakat janubidagi Hurmuzgon viloyatining markazi Bandar-Abbos shahrida portlash sodir bo‘lganini xabar qildi.
Yarim rasmiy “Fars” axborot agentligi Qeshm oroli va unga yaqin suvlarda portlash ovozlari eshitilganini, Hurmuzgon viloyatidagi Sirik hududida ham yana bir portlash yuz berganini ma’lum qildi.
Eronning rasmiy IRNA axborot agentligi mamlakat janubidagi Fors viloyatining Sheroz shahrida portlash sodir bo‘lganini bildirdi.
Avvalroq mamlakat janubi-sharqidagi Siston va Balujiston viloyatida joylashgan Chobahor va Konarak shaharlarida 14 ta portlash ovozi eshitilgani xabar qilingan edi.
Yarim rasmiy “Mehr” axborot agentligi Eron janubidagi Bushehr atom elektr stansiyasi yaqinida havo hujumidan mudofaa tizimlari ishga tushirilgani eshitilganini ma’lum qildi.
“Mehr” axborot agentligi, shuningdek, Isfahonda ikkita portlash yuz berganini xabar qildi.
Biroq keyinroq Eron ommaviy axborot vositalari Isfahon viloyati gubernatorining xavfsizlik va huquq-tartibot masalalari bo‘yicha o‘rinbosari viloyatda hech qanday dushman hujumi yoki portlash sodir bo‘lmaganini aytganini ma’lum qildi.
Hodisalarda qurbonlar yoki moddiy zarar borligi haqida hozircha hech qanday ma’lumot berilmadi.
Shu bilan birga, AQSh Markaziy qo‘mondonligi – CENTCOM bosh qo‘mondon ko‘rsatmasiga binoan Eronga qarshi yangi havo hujumlari boshlanganini bildirdi. Qo‘mondonlikka ko‘ra, ushbu amaliyotlar Eronning Hurmuz bo‘g‘ozida tijorat kemalariga hujum qilish uchun foydalanayotgan harbiy imkoniyatlarini yanada zaiflashtirishga qaratilgan.
