Turkiya Mudofaa vaziri Yashar Guler Turkiyaning Yevropa boshchiligidagi mudofaa tashabbuslarida, xususan Yevropa uchun Xavfsizlik Harakat Dasturi (SAFE)dagi ishtiroki, global va mintaqaviy xavfsizlik jihatidan muhim ekanini bildirdi.
Yashar Guler Bryusselda uyushtirilgan NATO tarkibidagi davlatlarning Mudofaa vazirlari yigʻilishi va Ukraina Mudofaa aloqa guruhi sammiti ortidan bugun (16.10.2025) bergan bayonotida Turkiya NATO amaliyotlariga ijobiy hissa qo‘shgan ilk besh davlatdan biri ekanini qayd etdi.
Mudofaa vaziri, shuningdek, Anqara qurolli kuchlarini ilgʻor tizimlar bilan modernizatsiya qilish va NATOning 5 foizlik mudofaa sarmoyasi rejasiga erishish majburiyatini yana bir bor ta’kidlar ekan: «Ukrainaga ikki tomonli va NATO doirasida qoʻshgan ijobiy tusdagi hissamiz, otashkesim va tinchlikka erishishni ko‘zlagan diplomatik saʼy - harakatlarni qoʻllab - quvvatlashimizning qay darajada ahamiyatli ekanini taʼkidladik», - degan ifodalarga o‘rin berdi.
Turkiya Gʻazodagi koʻp millatli maxsus guruhda ishtirok etishga tayyor
Mudofaa vaziri Guler, Gʻazoda joriy qilingan oʻt ochishni toʻxtatishdan mamnunligini bildirgan holda faqat bu holat muammoni ikki davlat asosida hal qilishning boshlang‘ichi boʻlishi mumkinligini ifoda etdi.
Oʻt ochishni toʻxtatishning toʻliq tatbiq etilishi zarurligiga ham e’tibor qaratgan Guler, uzluksiz insonparvarlik yordamlarining ahamiyatiga ham toʻxtalgan holda, Turkiya bu boradagi yordamini davom ettirishini o‘z so‘ziga ilova etdi.
Guler, shuningdek, shunday missiya tashkil etilgudek bo‘lsa unda Turk Qurolli kuchlari Gʻazodagi koʻp millatli maxsus guruhda ishtirok etishga tayyorligini o‘z so‘ziga ilova etdi.
Isroil bilan Hamas AQSh Prezidenti Donald Tramp boshchiligida o‘t ochishni to‘xtatish kelishuvga erishdi.
Tel – Aviv, ikki yildan ortiq vaqtdan beri G‘azoda genotsid uyushtirmoqda. Oqibatida bugungacha falastinlik 60 ming nafardan ortiq inson umriga zomin bo‘ldi. Ularning ko‘pchiligi ayollar va yosh bolalardan iborat.
Turkiya; AQSh, Misr va Qatar bilan birgalikda otashkesim qoidalariga amal qilinishini nazorat qilish vazifasi yuklangan kafil davlatlardan biridir.
Yetmish yildan ortiq vaqtdan beri NATO tarkibida bo‘lib kelgan Turkiya, mintaqaviy va Yevropa xavfsizlik masalalari boʻyicha oʻz milliy pozitsiyasini ittifoqdoshlari bilan baham koʻrishini bildirdi.
Turkiya, shuningdek, koʻp millatli harbiy mashq talablariga munosib iqtisodiy jihatdan samarali javob berishni maqsad qilgan Taqsimlangan Sintetik Ta’lim Yuqori Koʻrinish Loyihasi (HVP) uchun oʻzaro anglashuv memorandumini imzoladi.
