Birlashgan Millatlar Tashkiloti AQShning Venesuela ishlariga aralashuvi yuzasidan chuqur tashvishda ekanini bildirdi va bu aralashuv xalqaro huquqning asosiy tamoyillaridan birini ochiqchasiga “poymol qilayotgani” haqida ogohlantirdi.
BMT Inson huquqlari bo‘yicha idorasi Matbuot xizmati kotibi Ravina Shamdasaniy bugun (06.01.2026) Jenevada jurnalistlarga bergan bayonotida mavzu haqida shunday dedi:
“Hech bir davlat boshqa bir davlatning hududiy yaxlitligi yoki siyosiy mustaqilligiga tahdid solmasligi, yoxud kuch ishlatmasligi lozim”.
Bu bayonot Venesuela Prezidenti Nikolás Maduro va uning rafiqasi Siliya Flores shanba kuni (03.01.2026) tong saharda jangovar samolyotlar qo‘llab - quvvatlagan havo hujumlari hamda kuchli dengiz kuchlari joylashtirilishi hamrogligida AQSh maxsus bo‘linmalari tomonidan olib ketilishi ortidan qayd etildi.
Shamdasaniy Venesuela hukumatining “uzoq yillardan buyon davom etayotgan dahshatli inson huquqlari buzilishlari” bosqinga asos sifatida ko‘rsatilishi qabul qilib bo‘lmaydigan darajada noto‘g‘ri holat ekanini qayd etdi.
BMT vakili: “Inson huquqlari buzilishlari uchun javobgarlikni harbiy kuch ishlatish orqali emas, qonuniy yo‘llar bilan ta’minlash kerak”, - dedi.
So‘nggi o‘n yil davomida Venesueladagi vaziyat “izchil ravishda yomonlashib borayotgani” haqida muntazam hisobotlar taqdim etib kelinayotganini yodga solgan Ravina Shamdasaniy, “AQSh aralashuvi oqibatida yuzaga kelgan hozirgi beqarorlik va mamlakatning yanada harbiylashtirilishi vaziyatni yanada og‘irlashtirishidan xavotirdamiz”, - degan ifodalarga o‘rin berdi.
