Qo‘mita so‘zchisi Svetlana Petrenko, Moskvaning shimoliy-g‘arbida, general-leytenant Vladimir Alekseyevga uyining oldida bir necha bor o‘q uzilganini, shundan so‘ng shubhali shaxsning voqea joyidan qochib ketganini bildirdi.

Rus rasmiylari, Alekseyevning yaralangani yoki yaralanmaganligi va hujumga sabab bo‘lgan hodisa haqida hech qanday izoh bermadi.

Alekseyev, 2011 yildan beri mamlakatning eng kuchli va maxfiy xavfsizlik organlaridan biri bo‘lgan Rossiya Bosh shtabi Bosh razvedka boshqarmasi (GRU) rahbarining birinchi o‘rinbosari sifatida xizmat qilib keladi.

Petrenko, Telegram sahifasida qilgan bayonotida, qasddan o‘ldirishga urinish va qurol kontrabandasi ayblovi bilan jinoiy ish ochilganini bildirib shunday dedi: "Tergovchilar va sud-tibbiyot mutaxassislari hozirda voqea joyida ishlamoqda, kuzatuv kameralari (CCTV) tasvirlarini tekshirmoqda va guvohlardan so‘roq qilmoqda." Shuningdek, mas’ullarni aniqlash va ularni topish bo‘yicha ishlar davom etayotganini qayd etdi.

Mazkur hujum, rus tuproqlarida yuqori martabali zobitning nishonga olingan birinchi voqea emas.

Tergov qo‘mitasiga ko‘ra, dekabr oyida Rossiya Bosh shtabi Operativ ta’lim bo‘limi boshlig‘i general-leytenant Fanil Sarvarov, Moskvaning janubida avtomobilining tagiga joylashtirilgan portlovchi moddaning portlashi oqibatida o‘ldirilgan edi.