Ukraina shanba kuni Rossiyaning Kiyevga yo‘llagan raketa zarbalari natijasida olti kishi jarohatlangani haqida xabar qildi, Moskva esa Ukraina poytaxtiga qarshi hujumlarni kuchaytirmoqda.

Moskva 2022 - yilning fevral oyida harbiy amaliyotni boshlaganidan beri deyarli har kuni Kiyevga raketa va dronlar orqali hujum qilmoqda.

Ammo so‘nggi paytlarda o‘nlab ballistik raketalar ishlatilgan bir qator o‘ta halokatli hujumlar Ukraina havo mudofaasiga qiyinchilik tug‘dirdi.

Kiyev harbiy ma’muriyati rahbari Timur Tkachenko mavzu haqida Telegram orqali bergan bayonotida: “Poytaxtdagi jarohatlanganlar soni olti kishiga yetdi” - dedi.

Tkachenko avvalroq Rossiya “poytaxtni raketalar bilan nishonga olayotgani”ni tasdiqlab, aholini boshpana izlashga chaqirgandi.

U qo‘shimcha ma’lumot bermay, uch kishi kasalxonada davolangani, yana uch kishi voqea joyida tibbiy yordam olganini qayd etdi.

Kiyevdagi AFP jurnalistlari shanba kuni erta tongda poytaxtda ikki marotaba portlash ovozlari eshitilgani, birinchi portlashdan bir necha daqiqa o‘tib havo xabarnoma signali chalganini qayd etdi.

Bu hafta boshida ham bir rus hujumi qayd etilgan edi; xuddi ana shu hujumda Kiyev osmonida qayd etilgan raketa portlashi ovozlari uxlayotgan aholini larzaga keltirdi, shahar havo ogohlantirish signalini chalishga esa ulgurmadi.

Shanbadagi hujumlar, Kiyev dushmanining energetika infratuzilmasini nishonga olgan holda, bir kun avval Ukraina dronlari Janubiy Rossiyadagi neftni qayta ishlash zavodlariga zarba berganidan keyin sodir bo‘ldi.