Davlat ommaviy axborot vositalari payshanba kuni qidiruv-qutqaruv guruhlari o‘tgan hafta oxirida Jiangsi viloyatida kuchli yog‘ingarchilik sabab yuz bergan ko‘chkilardan keyin yana bir kishining jasadini topganini ma’lum qildi. Shu tariqa qurbonlar soni 16 nafarga yetdi.
Odamlar “Saudel” tayfuni Xitoyning sharqiy sohillariga yetib kelganidan so‘ng bir necha kun davom etgan kuchli yog‘ingarchilik ta’siridagi Suychuan tumanining uchta shaharchasida halok bo‘ldi.
Xitoy davlat telekanali “CCTV” internet orqali tarqatgan xabarida Gaoping shaharchasida yuz bergan loy ko‘chkisi oqibatida 13 kishi hayotdan ko‘z yumganini bildirdi.
Zuo’an shaharchasida ikki kishining, Tanghu shaharchasida esa yana bir kishining jasadi topildi.
“Xinhua” axborot agentligi Suychuan tumanida 18 mingdan ortiq kishi evakuatsiya qilinganini ma’lum qildi.
Davlat ommaviy axborot vositalari avvalroq tayfun olib kelgan yog‘ingarchilik tufayli qo‘shni Hunan viloyatida ham ikki kishi halok bo‘lganini bildirgan edi.
“CCTV” xabarida o‘limlarning aniq sababi ko‘rsatilmagan, ammo yog‘ingarchilik ko‘chkilar va boshqa tabiiy ofatlarga olib kelgani ta’kidlangan.
“Saudel” tayfuni 28-avgust kuni Jejiang viloyatida ikki marta, 3-sentab
