Xavfsizlik manbalaridan olingan ma'lumotlarga ko‘ra Ibrahim Kalin Anqarada Liviya Prezident kengashi rahbari Muhammad al - Manfiyning maslahatchisi Ibrahim Zubi hamda Milliy birlik hukumati Bosh vaziri Abdulhamid Dibayba bilan uchrashdi.

Uchrashuvda Liviya va mintaqadagi vaziyat, Turkiya – Liviya hamkorligini davom ettirish bo‘yicha tashlanadigan qadamlar hamda Liviyada barqarorlikni saqlashni ko‘zlagan sa'y - harakatlar muhokama qilindi.

Zubi va Dibayba uchrashuv davomida Turkiyaning Liviyada tutayotgan samarali va konstruktiv rolini yuksak baholashlarini bildirdi.

Kalin Turkiyaning Liviyada tinchlik va barqarorlikni saqlash yo‘lida ko‘rsatayotgan kuchli qo‘llab - quvvatlashi bundan buyon ham davom etishini ta'kidladi.

MRT rahbari Turkiya Liviyaning birligini ta'minlash hamda mamlakatning sharqiy va g‘arbiy hududlaridagi boshqaruvlarni yagona Liviya tomi ostida birlashtirish jarayonini qo‘llab - quvvatlashda davom etishini qayd etdi.

Liviyada tashlanishi mumkin bo‘lgan qo‘shimcha qadamlar muhokama qilindi

Kalin Anqarada Liviya Ichki Ishlar vaziri Imad at - Trablusiy bilan ham uchrashdi.

Uchrashuvda Liviyada xavfsizlik va barqarorlikni yanada mustahkamlash uchun tashlanishi mumkin bo‘lgan qo‘shimcha qadamlar muhokama qilindi.

Trablusiy uchrashuvda Turkiyaning Liviya Milliy birlik hukumatiga ko‘rsatayotgan yordamidan mamnun ekanini bildirdi.

Kalin esa Turkiyaning Liviya xavfsizligi va taraqqiyoti yo‘lidagi qo‘llab - quvvatlashi davom etishini, shuningdek, Turkiya Liviyada va Shimoliy Afrikada terrorizmga qarshi kurash, odam savdosi hamda noqonuniy migratsiyaga qarshi kurash masalalarida yaqin hamkorlikni davom ettirishini ta'kidladi.