Turkiya Tashqi Ishlar vazirligi Suriya janubida joylashgan Suvayda viloyatidagi muammoni hal qilish uchun Suriya, Iordaniya va AQSh tomonidan kelishilgan yo‘l xaritasini xursandchilik bilan qarshi oldi.
Vazirlik tomonidan mavzu haqida bugun berilgan bayonotda, «Suriyaning janubiy viloyatlaridan biri bo‘lgan Suvaydada tinchlikni saqlash, barqarorlikni o‘rnatish va to‘qnashuvlarning takrorlanishining oldini olish uchun e’lon qilingan yo‘l xaritasini xursandchilik bilan qabul qilamiz», - deyildi.
Bayonotda shuningdek Turkiyaning hududiy yaxlitligi, birlik va mustaqilligiga bo‘lgan hurmat tamoyillari asosida Suriyaning barcha tarkibiy qismlari uchun tinchlik, xavfsizlik va barqarorlikni ta’minlashga qaratilgan sa’y - harakatlarning qo‘llab - quvvatlanishning davom ettirilishi qayd etildi.
Suriya Tashqi Ishlar vaziri Asad al - Shayboniy seshanba kuni Damashqda Iordaniya Tashqi Ishlar vaziri Ayman Safadiy va AQShning Suriya bo‘yicha maxsus vakili Tom Barak bilan bo‘lib o‘tgan uchrashuvlari ortidan yetti bosqichli yo‘l xaritasini e’lon qildi.
Matbuot anjumanida al - Shayboniy reja Suvaydaga uzluksiz insonparvarlik va tibbiy yordamlarning yetkazib berilishi, asosiy xizmatlarni tiklash, yo‘llar xavfsizligini ta’minlash va yo‘l harakatini osonlashtirish uchun mahalliy xavfsizlik kuchlarini joylashtirish kabi moddalarni o‘z ichiga olishini ifoda etdi.
Boshqa qadamlar orasida jabrlanganlarga tovon to‘lash, o‘z uy - joyidan mahrum qilinganlarning manzillariga qaytishiga ruxsat berish, bedarak yo‘qolganlar taqdiriga oydinlik kiritish, gubernatorlikdagi barcha jamoalarni qamrab olgan yarashuv jarayonini boshlash ham da tinch aholi va xususiy mulkka qarshi uyushtirilgan hujumda ishtirok etganlarning barchasini javobgarchilikka tortish kabi masalalar o‘rin olmoqda.
Seshanba kungi voqea Suvaydada otashkesimning yo‘lga qo‘yilishi va mojaroga siyosiy yechim topishga qaratilgan muzokaralarga e’tibor bergan va iyul - avgust oylarida Iordaniyada boʻlib oʻtgan uchrashuvlar ortidan qayd etildi.
Suvaydada joriy yilning 19 - iyulidan beri amalda boʻlgan oʻt ochishni toʻxtatish rejimi druzlar bilan badaviy qabilalari oʻrtasida bir hafta davom etgan qurolli toʻqnashuvlar ortidan Isroilning harbiy hujumlari tufayli zaifligicha qolmoqda.
