Rossiya Davlat rahbari Vladimir Putin seshanba kuni (04.11.2025) Rossiya Vazirlar kengashiga 1 - dekabrgacha noyob yer elementlari qazib olish boʻyicha yoʻl xaritasini ishlab chiqishni buyurdi.
Vladimir Putin, Kreml veb - saytida e’lon qilingan vazirlik vazifalari roʻyxatida shuningdek; Rossiyaning Xitoy bilan Shimoliy Koreya chegarasi oʻrtasidagi transport aloqalarini yaxshilash choralarini ham koʻrishni buyurdi.
Smartfonlar, elektr transport vositalari va qurol tizimlarida foydalanilgan noyob yer elementlari xalqaro savdoda juda muhim va strategik ahamiyatga egadir.
AQSh Prezidenti Donald Tramp aprel oyida Ukraina bilan ushbu sohada shartnoma imzoladi. Ushbu shartnoma AQShga Ukraina konlariga erishish imkoni beradi va mamlakatni qayta tiklash uchun zarur boʻlgan investitsiyalarni nazarda tutadi.
Rossiya noyob yer elementlari bo‘yicha loyihalarda AQSh bilan hamkorlik qilish istagini bildirgan edi ammo lekin Ukrainadagi urushni to‘xtatish borasida hech qanday natijaga erishilmagani bois bu imkoniyatlar to‘xtatildi.
Dunyodagi noyob yer elementlari ishlab chiqaruvchi asosiy davlat boʻlgan Xitoy, bu yil AQSh tariflariga javoban ularning eksportiga cheklovlar qoʻydi.
Putinning koʻsatmasi, sentabr oyida Vladivostokda ishtirok etgan Uzoq Sharq iqtisodiy forumidan kelib chiqadigan harakatlar bandlari umumlashtirilgan. Nomi tilga olingan koʻrsatmada, Rossiyaning noyob yer elementlari boʻyicha rejasi batafsil bayon qilinmagan.
Koʻrsatmadagi boshqa bandlar orasida, hukumatga Xitoy va Shimoliy Koreya chegaralarida multimodal transport va logistika markazlarini rivojlantirish masalasi ham oʻrin olgan.
Putinning soʻzlariga koʻra bular Rossiya va Xitoyni bir - biriga bogʻlovchi ikkita mavjud temir yoʻl koʻprigi va Shimoliy Koreyada 2026 - yili foydalanishga topshirilishi rejalashtirilgan yangi koʻprikni ham oʻz ichiga olishi kerak.
Rossiyaning Uzoq Sharqdagi ikki qoʻshnisi boʻlgan Xitoy bilan Shimoliy Koreya, Gʻarb mamlakatlarining Ukrainadagi urush tufayli Moskvaga nisbatan sanksiyalar kiritganidan beri Rossiya bilan iqtisodiy aloqalarini chuqurlashtirdi.
