Turkiya Prezidenti Rejep Tayyip Erdo‘g‘an Suriya, G‘azo, Ko‘rfaz arab davlatlari va Rossiya - Ukraina urushi kabi masalalarda Turkiya ishtirokisiz hech qanday siyosiy yoki xavfsizlik rejasini amalga oshirib bo‘lmasligini qayd etdi.
Shanba kuni Istanbul kongress markazida uyushtirilgan «Turkiya asri» yig‘ilishining yopilish sessiyasida so‘zlagan nutqida Prezident Erdo‘g‘an, Turkiya ham mintaqada hamda global miqyosda tinchlik o‘rnatuvchi va barqarorlikni ta’minlovchi hurmatga sazovor mamlakatga aylanganini ta’kidladi.
Erdo‘g‘an Anqara siyosati har bir avlod qobiliyatini yuqori baholagan, onalar yig‘lamagan, eng muhimi butun dunyoda tinchlik hukm surib, xavfsizlik ta’minlangan kelajakni ko‘zda tutishini ifoda etdi.
Erdo‘g‘an uzoq muddatli rejalari mamlakat birligi va xavfsizligini ta’minlash, shuningdek, mintaqada ko‘proq tinchlikka hissa qo‘shish ekanini o‘z so‘ziga ilova etdi.
Prezident shuningdek: «Umumiy iroda bilan eng avvalo terrorsiz Turkiya, keyin esa terrorsiz mintaqa barpo etish orqali buni xalqimiz farzandlariga meros qilib qoldiramiz», - dedi.
Prezident Rejep Tayyip Erdo‘g‘an so‘zlari yakunida Turkiya qo‘shni hududlarda va undan tashqarida barqarorlik, hamkorlik va tinchlikka asoslangan siyosatni davom ettirishini yana bir bor ta’kidladi.
