Milliy Xavfsizlik kengashi chorshanba kuni (26.11.2025) bergan bayonotida, Isroilning G‘azodagi o‘t ochishni to‘xtatish kelishuvini buzgan hujumlarini darhol to‘xtatishi va zimmasidagi majburiyatlarni bajarishi lozimligini ta’kidladi.
Bayonotda, shuningdek, Turkiya G‘azoda barqarorlikni ta’minlaydigan va qayta qurish sa’y - harakatlariga hissa qo‘shadigan mexanizmlarda mas’uliyat olishga tayyor ekani bildirildi.
Prezident Rejep Tayyip Erdo‘g‘an Anqaradagi Prezidentlik kulliyasida bo‘lib o‘tgan yig‘ilishga raislik qildi.
Joriy yilning 10 - oktabri kuni kuchga kirgan o‘t ochishni to‘xtatish kelishuviga ko‘ra G‘azoga kuniga 600 ta yuk tashuvchi mashina orqali insonparvarlik yordami olib kirilishi kerak edi ammo Isroil bir kunda eng ko‘p 200 ta yuk tashuvchi mashina orqali yordam olib kirilishiga ruxsat bermoqda.
Isroil kelishuvga rioya qilmadi va 10 - oktabrdan beri deyarli har kuni amalga oshirgan hujumlarida kamida falastinlik 342 kishi halok bo‘lishiga yo‘l ochdi.
Isroil 2023 - yilning oktabridan buyon G‘azoda amalga oshirgan hujumlarda ko‘pchiligi ayollar va bolalardan iborat 70 ming nafardan ortiq insonni o‘ldirdi, 170 ming 700 nafardan ziyod kishini yaraladi.
Milliy Xavfsizlik kengashi Anqara Suriya xalqining barcha qatlamlarining tinchlik, farovonlik va xavfsizligi uchun ko‘rsatayotgan yordamni davom ettirishini ma’lum qildi.
Rossiya - Ukraina urushidagi so‘nggi vaziyatni ham muhokama qilgan kengash, adolatli va barqaror tinchlikni ta’minlash uchun Turkiyaning global hamkorlari bilan olib borayotgan sa’y - harakatlarini davom ettirish majburiyatini tasdiqladi.
