Elchi Mehmet Gulluo’g’lu G‘azzo hududida insonparvarlik yordami faoliyatlarini nazorat qilish, shuningdek tegishli tashkilotlar hamda mahalliy hokimiyatlar bilan muvofiqlashtirish uchun Falastin Insonparvarlik Yordami Koordinatori etib tayinlandi.
Gullu’og’lu G‘azzoda zarur bo‘lgan insonparvarlik yordami ehtiyojlarini aniqlash uchun tekshiruvlar o‘tkazadi, Birlashgan Millatlar Tashkiloti agentliklari bilan hamkorlik qiladi va ularning G‘azzodagi faoliyatlarini qo‘llab-quvvatlaydi.
Shuningdek, Turkiyadan yuborilgan yordamlarning G‘azzodagi ehtiyojmandlarga eng samarali tarzda yetkazilishini ta’minlash maqsadida bu sohada faoliyat yuritayotgan turk tashkilotlari bilan hamkorlik qiladi.
U, Misr va Iordaniya orqali yuboriladigan yordamlar bo‘yicha mahalliy hokimiyatlar bilan maslahatlashadi hamda G‘azzoga tibbiy yordamni, jumladan bemorlarni evakuatsiya qilishni kuchaytiradi.
Turkiyaning G‘azzoga insonparvarlik yordami
Turkiya insonparvarlik yordami ko‘rsatish bo‘yicha boy an’anaga ega. Faol va muzlatilgan mojarolar, tabiiy ofatlar hamda ommaviy migratsiyalar kuzatilayotgan mintaqada joylashgan Turkiya, til, din, irq yoki jinsidan qat’i nazar, dunyoning ko‘plab hududlarida — ayniqsa Falastin va Suriya kabi qo‘shni davlatlarda — ehtiyojmandlarga tezkor yordam ko‘rsatadi.
Turkiya, Isroil hujumlari boshlanganidan beri, G‘azzoga eng ko‘p insonparvarlik yordami ko‘rsatgan davlatlardan biri hisoblanadi. Shu doirada, 2023-yil oktabridan boshlab G‘azzoga dengiz va havo yo‘li orqali 102 ming tonna insonparvarlik yordami yetkazib berdi.
G‘azzoda o‘rnatilgan sulh barqaror va yetarli insonparvarlik yordamini yetkazish uchun yangi imkoniyat yaratdi. G‘azzoga yordam ko‘rsatish sa’y-harakatlarining davomiyligi sifatida, Turkiya 2025-yil 14-oktabrda Mersin portidan Misrdagi El-Arish portiga taxminan 865 tonna insonparvarlik yuki olib ketgan kemani jo‘natdi.
