Isroilning «Kan» davlat telekanali xabariga ko‘ra, Bosh vazir Binyamin Netanyaxuning Xavfsizlik kengashi G‘azodagi hujum bosqichma - bosqich kengaytirishini tasdiqladi.
Bosh shtab rahbari Eyal Zamir yakshanba kuni bergan bayonotida, Isroil armiyasi G‘azodagi hujumni kengaytirish niyatida o‘n minglab zaxiradagi askarlarni xizmatga chaqirish haqida qaror qabul qila boshlangani haqidagi ma’lumotning to‘g‘ri ekanini tasdiqladi.
Yakshanba kuni Yamandagi Husiylar tomonidan otilgan raketaning bir qismi Isroilning asosiy kirish darvozasi hisoblangan Ben Gurion aeroporti yaqiniga tushganidan bir necha soat o‘tib, Netanyahu video xabar orqali Xavfsizlik kengashini G‘azodagi urushning keyingi bosqichini muhokama qilish uchun yig‘ilish o‘tkazganini ma’lum qildi.
Isroil, mart oyida AQSh tomonidan qo‘llab - quvvatlangan va ikki oy davomida urushni to‘xtatgan otashkesimni bir tomonli buzib G‘azodagi hujumlarini takror boshlatgandi.
Isroilning «Ynet» yangiliklar saytiga ko‘ra Xavfsizlik kengashi G‘azoda yordam tarqatish uchun yangi rejasini tasdiqladi ammo yordamlarning hududga qachon yetkazib berilishi masalasi noaniq. Shu o‘rinda Birlashgan Millatlar Tashkilotining Yaqin Sharqdagi falastinlik qochqinlarga yordam berish agentligi (UNRWA) yakshanba kuni, Isroilning qamali va davom etayotgan hujumlari yuzasidan G‘azodagi tibbiy xizmatlarda jiddiy manbaa tanqisligi kuzatilyotganini qayd etdi.
«Asosiy mahsulotlarning deyarli uchdan biri tugadi va qolgan uchdan birining ham ikki oy ichida tugashi kutilmoqda», - degan agentlik «X» platformasi orqali vaziyatning qay darajada murakkab ekanini yana bir bor ta’kidladi.
Agentlik, davom etayotgan qamal va bombardimonlar orasida sog‘liqni saqlash xizmatlarining kamdan kam manbaalar yordamida davom etayotganini bildirar ekan, shunga qaramay UNRWA G‘azoda tibbiy xizmat ko‘rsata oladigan asosiy tashkilotlardan biri ekanini ta’kidladi.
