Suriya ommaviy axborot vositalarining xabar berishicha, dushanba kuni Isroil kuchlari mamlakat janubida amalga oshirilgan navbatdagi reydlar davomida bir nechta uyda tintuv o‘tkazgan va hududda yangi nazorat-o‘tkazish postini o‘rnatgan.
«Al-Ixbariya» (Alikhbaria TV) telekanali tarqatgan ma’lumotga ko‘ra, Isroil askarlari Dar’a viloyatining g‘arbiy qishloq hududida joylashgan Maariya qishlog‘iga bostirib kirib, bir qator turar joy binolarini tekshiruvdan o‘tkazgan.
Qo‘shni Quneytra provinsiyasida esa Isroil harbiylari Ayn an-Nuriya – Xan Arnaba yo‘lida yangi nazorat-o‘tkazish punktini joylashtirgani xabar qilingan.
Ushbu voqealar Suriya prezidenti Ahmad ash-Shara o‘tgan hafta BMT Bosh Assambleyasining 81-sessiyasidagi nutqida Isroilning Suriya hududiga takroriy bostirib kirishlari haqida bayonot berganidan ko‘p o‘tmay sodir bo‘ldi.
Prezident Ash-Sharaning ma’lum qilishicha, 2024-yil oxiridan buyon Isroil Suriya hududiga deyarli 500 ta havo va artilleriya zarbasi yo‘llagan, 1200 dan ortiq quruqlikdagi bostirib kirish amaliyotlarini o‘tkazgan hamda 300 ga yaqin hibsga olish va qo‘lga olish holatlarini sodir etgan.
