Turkiya Prezidenti Rejep Tayyip Erdo‘g‘an seshanba kuni (10.11.2026) Ukraina Prezidenti Vladimir Zelenskiy bilan telefon orqali muloqot qildi. Unda, Eronni ham o‘z ichiga olgan va tobora keskinlashib borayotgan to‘qnashuv Ukrainadagi urushni to‘xtatish sa’y - harakatlariga monelik qilmasligi kerakligini ta’kidladi.
Turkiya Respublikasi Prezidenti Administratsiyasi huzuridagi axborot va kommunikatsiyalar boshqarmasi tomonidan mavzu haqida berilgan bayonotga ko‘ra ikkala lider, mazkur muloqot chog‘ida, Turkiya - Ukraina aloqalari hamda mintaqadagi va dunyodagi oxirgi vaziyatni muhokama qildilar.
Erdo‘g‘an, Yaqin Sharqda avj olgan inqiroz Ukrainadagi tinchlik izlanishlariga monelik qilmasligi kerakligini ifoda etgan holda; urushni to‘xtatishga qaratilgan muzokaralar kechiktirilmay, davom ettirilishi lozimligini ta’kidladi.
O‘q uzishni to‘xtatish va Qora dengiz xavfsizligiga e’tibor
Turk lider shuningdek, urush to‘xtaganida Ukrainani qayta qurish va mamlakatning ehtiyojlarini qondirish muhimligiga e’tibor qaratdi.
U mamlakat ko‘rgan ziyonni qoplash, qayta tiklanish ishlarini boshlash va uzoq muddatli xavfsizlikni ta'minlash mintaqaviy barqarorlik uchun hal qiluvchi ahamiyatga ega ekanini bildirdi.
Erdo‘g‘an so‘zlari davomida, Qora dengizdagi dengiz xavfsizligining strategik ahamiyatini ham ta’kidlagan holda energiya infratuzilmasi hamda port obyektlarini himoya qilish jang qilayotgan tomonlar o‘rtasida ishonchni mustahkamlashga yordam berishi mumkinligini qayd etdi.
Ushbu muhim obyektlarni himoya qiluvchi otashkesim, ishonchni mustahkamlash bo‘yicha asosiy chora bo‘lib, kengroq mintaqaviy barqarorlikka hissa qo‘shishi mumkinligini o‘z so‘ziga ilova etdi.
Prezident Rejep Tayyip Erdo‘g‘an, Turkiya, diplomatik sa’y - harakatlarni qulaylashtirish va bu natijalarga erishishda zarur bo‘lgan barcha yordamni ko‘rsatishga tayyorligini yetkazishni ham unutmadi.
