Saudiya Arabistoni Bosh muftiysi va chorak asrdan ortiq vaqt davomida mamlakatning eng yuqori martabali diniy rahnamosi bo‘lgan Shayx Abdulaziz bin Abdulloh al - Shayx seshanba kuni 80 yoshida vafot etdi.
Makka va Madina kabi Islom olamining muqaddas shaharlarini o‘z ichiga olgan Saudiya Arabistoni, har bir musulmon umri davomida bir marotaba bo‘lsa ham bajarishi kerak bo‘lgan Haj ziyorati maskaniga ham mezbonlik qilmoqda. Shu bois ham Bosh muftiyning bayonotlari diqqat bilan kuzatilmoqda.
Saudiya Arabistonida so‘nggi yillarda ayollarga mashina haydashga ruxsat berish, kinoteatrlar ochish kabi ijtimoiy hayot jihatidan ancha liberal qadamlar tashlagan Saudiya sulolasi bilan yaqin aloqada bo‘lgan Shayx Abdulaziz DEASh va al - Qoida kabi ekstremistlarni qoralagandi.
Qirollikning kundalik boshqaruvini 89 yoshidagi Qirol Salmon nomidan olib borgan valiahd shahzoda Muhammad bin Salmon seshanba oqshomida ar - Riyodda o‘qilgan janoza namozida ishtirok etadi.
Saudiya Qirollik kengashi mavzu haqidagi bayonotida, “Uning vafoti bilan qirollik va islom olami olaroq islom dini va musulmonlarga katta hissa qo‘shgan muhim olimini yo‘qotdi”, - dedi.
Yoshligida ko‘rish qobiliyatidan mahrum bo‘lgan Shayx Abdulaziz, 1999 - yili, Saudiya Qiroli Fahd davrida muftiy etib tayinlangan edi.
